Posts Tagged ‘rede’

6 anos de Cabozo :) ¡Gracias! Moitas grazas!

Jueves, febrero 13th, 2014

(versión en castellano)

20140201_165701_HDR_2_20140211215250624

Cabozo está hoxe de aniversario, e van 6 :) Aquela rede social que naceu sen máis pretensións que manter o contacto entre un pequeno grupo de colegas é hoxe segundo o ranking Alexa, o estándar de maior prestixio, unha das primeiras 150.000 páxinas web do mundo e unha das 50 máis visitadas de Galicia (posto 47) nun ranking que inclúe grandes medios de comunicación (como La Voz de Galicia ou CRTVG), entidades financeiras (Novagaliciabanco, Bancopastor…), entidades deportivas (Celta, Depor…), páxinas institucionais (Xunta, Concellos, Universidades…) e mesmo xigantes como Inditex e as súas marcas (Zara, Bershka…).

A rede social galega consolídase no seu sexto aniversario como o principal “escaparate” web de Galicia á hora de publicar contidos libremente.

Dende a súa estrea, o 14 de febreiro de 2008, Cabozo mantén un crecemento constante con miles de usuarios rexistrados no seu portal e con preto de 5.000 seguidores nas distintas plataformas sociais nas que ten presenza, destacando especialmente Twitter e Facebook.

Porque aínda queda xente que sabe que saír das autoestradas é máis divertido… Cabozo hoxe cumpre 6 anos.

Graciñas por seguir aí! Moitas Grazas! ;)

Deckarz e LegnaLof 

Hoxe estamos de aniversario… e xa van 5!!! :)

Miércoles, febrero 13th, 2013

5º aniversario de Cabozo :)

O 14 de febreiro de 2008 un pequeno grupo de amigos de Viveiro empezabamos a compartir as nosas vivencias en distintas partes do mundo a través dunha pequena web galega chamada Cabozo.

Un ano máis tarde xa eran miles os galegos que facían uso dunha web que por aquel entón era considerada por algúns medios especializados non galegos como a primeira rede social de especialización territorial.

Hoxe, cinco anos despois daquelas primeiras mensaxes, celebramos o 5º aniversario, 5 anos de desenvolvemento orixinal, 5 anos de código bravú, 5 anos de rede social galega… 5 anos de Cabozo.com!

GRACIÑAS POR ESTAR AÍ! ;)

Deckarz e LexnaLof

Graciñas!

El 14 de febrero de 2008 un pequeño grupo de amigos de Viveiro empezábamos a compartir nuestras vivencias en distintas partes del mundo a través de una pequeña web gallega llamada Cabozo.

Un año más tarde ya eran miles los gallegos que hacían uso de una web que por aquel entonces era considerada por algunos medios especializados no gallegos como la primera red social de especialización territorial.

Hoy, cinco años después de aquellos primeros mensajes, celebramos el 5º aniversario, 5 años de desarrollo original, 5 años de código bravú, 5 años de red social gallega… ¡5 años de Cabozo.com!

¡GRACIAS POR ESTAR AHÍ! ;)


Formas de usar Cabozo sen necesidade de crear unha conta

Lunes, febrero 4th, 2013

(Leer en castellano)

Entre os moitos servizos que ofrece Cabozo como rede social, existen varios para os que non é necesario crear unha conta para poder gozar deles:

Novas de Cabozo

ACCEDE A UNHA GRAN FONTE DE INFORMACIÓN XERAL E DE GALICIA EN TEMPO REAL. E MOITO MÁIS!

Entre outras opcións, Novas de Cabozo (acceso permanente dende a portada de Cabozo) recolle automaticamente e en tempo real as noticias de portada dos principais medios online galegos e de fóra de Galicia. Ademais, ofrece a posibilidade de contrastar esas noticias noutros medios ou ver que se está a comentar nese momento en Twitter sobre elas.

Instagram Galicia

ACCEDE ÁS FOTOS MÁIS GALEGAS DA REDE. E AOS VÍDEOS!

Engade a etiqueta #galicia ás fotos que compartes en Flickr, Instagram, Twitter, Photobucket e aos vídeos que sobes a YouTube e tamén terán difusión, en tempo real, en Novas de Cabozo (selecciona as opcións no despregable). Ademais, os usuarios de Cabozo poderán compartir esas imaxes nos seus taboleiros cun simple clic de rato (van enlazadas á súa fonte orixinal) axudando aínda máis á súa difusión.

arredorpfb1

COÑECE SITIOS DE INTERESE E NEGOCIOS RECOMENDADOS POR OUTROS USUARIOS

Dende a portada de Cabozo tamén poderás acceder a Arredor, servizo de xeolocalización que permite aos usuarios desta rede social recomendar sitios ou negocios de interese mediante a súa localización nun mapa compartido. Xogando co zoom e desprazándote polo mapa poderás ver os sitios e negocios recomendados (pica sobre as marcas para ver info/comentarios) ou compartir zonas do mapa pero non poderás deixar comentarios nin crear novas marcas (só os usuarios rexistrados). Aquí podes ver un exemplo na zona de Viveiro.

Versión limitada dun Taboleiro público de Cabozo

ACCEDE A UNHA VERSIÓN REDUCIDA DOS TABOLEIROS PÚBLICOS DOS USUARIOS

Se coñeces o nome dalgún usuario de Cabozo poderás acceder, mediante a direccion cabozo.com/user/nomedeusuario, á versión “capada” do seu Taboleiro e ver os últimos contidos públicos que compartiu. Se queres estar informado das súas actualizacións podes subscribirte á canle RSS do seu taboleiro.

As contas de Cabozo no Facebook e Twitter

VISITA ALGÚNS DOS MELLORES CONTIDOS DE CABOZO

Seguindo as contas de Cabozo no Facebook, Twitter ou no propio Cabozo (acceso permanente en portada) poderás ver, practicamente a diario, algúns dos mellores contidos públicos compartidos nesta rede social.

Deixa comentarios aínda que non esteas rexistrado

DEIXA COMENTARIOS AÍNDA QUE NON SEXAS USUARIO REXISTRADO

Dende hai tempo, os usuarios de Cabozo poden compartir o que publican nesta rede social noutras web. Pois ben, calquera pode deixar comentarios a eses contidos aínda que non estea rexistrado. Só debes desprazarte cara a abaixo e no sitio reservado para enviar o comentario poñer un nome de usuario e escribir “persoa” no filtro anti spam. Aquí podes ver un exemplo.

Extensión "ferramentas lingua galega" para Google Chrome

DESCARGA A EXTENSIÓN “FERRAMENTAS LINGUA GALEGA” PARA GOOGLE CHROME

No seu afán por desenvolver ferramentas que poidan ser útiles á sociedade galega, e máis alá da propia rede social, o equipo de Cabozo creou esta extensión gratuíta para Google Chrome. Aquí podes ver as súas características e descargala: Ferramentas lingua galega

->

ÚNETE A CABOZO! :)

Pide o teu convite e goza de Cabozo sen limitacións rexistrándote na web! Ademais apoiarás unha rede social orixinal, única, diferente, 100% galega e creada baixo código bravú. Aposta polo “made in Galicia” real!






Ángel Folgueira habla sobre Cabozo en el canal internacional de TVE

Domingo, septiembre 30th, 2012

(Pica aquí para ler en galego)

Ángel Folgueira explica las peculiaridades de Cabozo

Ángel Folgueira, cofundador de Cabozo, habla sobre esta red social en “La Red, también gallega” reportaje sobre el gallego y las redes sociales  emitido recientemente en el programa Desde Galicia para el mundo del canal internacional de TVE.

Tve

En el mismo también podemos ver a Ian Vázquez, impulsor de “Twitter en galego XA!“, inicitiva que busca incorporar el gallego como opción en la configuración personal de Twitter.

Y hablando de Twitter… os recordamos que, además de en el propio Cabozo, también podéis seguir por allí las cuentas de sus responsables: @lexnalof, @deckarz y @cabozo_com

Os dejamos con el vídeo:

Como acceder a Cabozo.com dende a rede da USC

Jueves, febrero 23rd, 2012

Como acceder a Cabozo dende a rede da USC

Dende hai un tempo moitos cabozeir@s véñennos comentando que non poden acceder a Cabozo dende os seus PCs cando están conectados á rede da USC.

Hoxe puiden facer unha proba xunto a Eugznomeular, cabozeira e estudante da USC (graciñas de novo ;) ) e isto é o que vos podo contar:

A USC non resolve o nome Cabozo.com

O problema está en que o servidor de DNS da USC non sabe resolver o nome de Cabozo.com, é dicir, non sabe cal é a súa dirección IP correspondente.

O tema funciona da seguinte maneira:

- PC Usuari@: Moi boas, podería por favor facilitarme a dirección (IP) da web Cabozo.com

- PC USC: Moi boas, si un momentiño que busco na miña axenda a súa dirección (IP)… vaia, semella que na axenda non teño anotada a dirección para Cabozo.com. Síntocho moito.

- PC Usuari@: Vaia ho!, tiña que comentarlle unha cousiña a Deckarz…

- PC USC: Bueno, se queres pódoche dar sen problema a do Facebook.com ou a de Twitter.com :P

Como PC USC non sabe cal é a dirección de Cabozo cando se lle pregunta por ela, ímoslle dicir nós ao noso computador que dirección ten Cabozo e así non lle fará falta preguntarlle o PC USC

Para iso imos editar o arquivo “hosts” que é unha axenda parecida á do PC USC onde se atopan os nomes de dominio e direccións IP. Dependendo do sistema operativo que esteas a utilizar, esta é a súa localización:

Windows 95/98/Me —>  C:\Windows\hosts

Windows NT/2000 —>   C:\WINNT\System32\drivers\etc\hosts

Windows XP/2003/Vista/7 —>   C:\Windows\System32\drivers\etc\hosts

Mac OS/iPhone OS  —>  /private/etc/hosts

Unix/Linux/BSD —>    /etc/hosts

Abrimos o arquivo cun editor de texto (en Windows co Bloc de notas) e debaixo de todo engadimos a seguinte liña:

174.122.126.101 www.cabozo.com cabozo.com

Gardamos e reiniciamos o PC.

Unha vez arrancado de novo o noso PC, poñemos no navegador www.cabozo.com e a páxina estará accesible sen ningún problema.

Non o puiden probar, pero probablemente con isto se solucione o problema. Se non é así por favor comentarmo!

Saúdos!

Deckarz ;)

Actualización (24.02): Algúns usuarios xa puideron conectarse á rede da USC sen necesidade de aplicar esta solución . Non sabemos se a xente da USC solucionou o problema (non recibimos información ao respecto pero se é así agradecémosllelo aos responsables do servizo) ou se é un problema intermitente.

Se nalgún caso seguides tendo problemas para acceder non dubidedes en probar a solución proposta.

Interesantes novidades na sección ‘Novas’ de Cabozo :)

Miércoles, febrero 15th, 2012

(Opción non activada)

Na sección Novas de Cabozo poderás seguir as noticias de portada de varios medios

Debido ao peche de varios medios online galegos nos últimos tempos e á recente aparición de novas cabeceiras como Praza.com, vímonos obrigados a darlle un repaso á lista de xornais que aparecen nas ‘Novas’ de Cabozo.

Agora tamén podes seguir as fotos de Flickr dende Novas

Aproveitamos así, ademais de para ampliar a lista de medios que aparecen nesta sección, para dotar de máis funcionalidades a esta ferramenta de Cabozo podendo seguir tamén agora Twitter e Flickr Galicia :D (ademais de versións non galegas), Google Galicia e Google Destacadas, etc.

Pestana Novas

A sección Novas, que se integra como unha das 5 pestanas do noso taboleiro, recolle automaticamente as noticias de portada de distintos medios online galegos e de fóra de Galicia.

Algúns medios galegos que podemos seguir en Novas son Galicia Confidencial, o medio xeralista en galego máis lido na Rede, Código Cero, Galiciae, Faro de Vigo, Praza… Tamén podemos seguir medios de fóra de Galicia como El País, Público, El Mundo, Menéame, Muy Interesante, Gizmodo

Incorporado a Novas o novo xornal galego Praza.com

Algunhas opcións que ofrece esta ferramenta de Cabozo son:

  • Picando sobre os titulares das noticias podemos ler o seu contido na fonte orixinal
  • Se picamos sobre o Máis que aparece á dereita dos titulares temos as seguintes opcións:

Agora en Novas tamén podemos ver o que se comenta sobre esas noticias en Twitter

- NOVIDADE!!! Ver o que se comenta sobre esa noticia en Twitter picando sobre a nova icona Twitter (ver imaxe superior)

- Ver a mesma noticia noutros medios para ter unha visión máis ampla desta

- Enviar a noticia directamente ao noso taboleiro recibindo todos os nosos seguidores un aviso de actualización

- Compartir a noticia directamente noutras plataformas como Twitter, Facebook

(Contacta con Cabozo se queres incluír un novo medio a esta sección)


20 contas a seguir en Cabozo.com

Martes, febrero 14th, 2012

(opción non activada)

Non están todos os que son nin son todos os que están :D pero poden servir de guía para quen acabe de aterrar en Cabozo. Logo, como todo, para gustos hai cores :P

Algúns taboleiros de Cabozo

Esta recompilación pretende ser unha pequena mostra dalgúns dos contidos que día a día se comparten nos taboleiros de Cabozo. As contas seleccionadas non se corresponden necesariamente cos usuarios máis activos da rede (que podedes coñecer no Ranking de Cabozo) xa que moitos usuarios prefiren participar máis activamente noutras seccións de Cabozo como as Cabozadas ou Grupos. Picando sobre os nomes dos usuarios podes acceder á versión pública dos seus taboleiros (Para ver a versión completa tes que ter conta en Cabozo)

Empezamos coas contas dos dous desenvolvedores de Cabozo. Recomendamos seguilos porque naide mellor que eles para botarvos unha man chegado o caso:

Taboleiro público de LegnaLof

- LegnaLof: Ademais de información sobre Cabozo, adoita compartir bastante información sobre actualidade, redes sociais, recursos humanos, tecnoloxía, social media…

Taboleiro público de Deckarz

- Deckarz: (Actualmente ten a súa conta restrinxida exclusivamente a usuarios rexistrados en Cabozo). Aínda que ultimamente non adoita ter moito tempo para compartir contidos en Cabozo debido á súa recente paternidade, de cando en vez déixanos, ademais de información sobre Cabozo, algunha pincelada sobre a súa estancia en Alemaña onde reside desde hai uns anos…

Esta é outra conta interesante do equipo de Cabozo que tamén deberiades seguir:

Taboleiro público de AchegasCabozo

- AchegasCabozo: Toda a información oficial sobre Cabozo publicase neste taboleiro. Ademais, case a diario, recolle unha mostra dalgúns dos contidos máis interesantes que se van publicando en Cabozo polo que tamén nos servirá para coñecer novos usuarios. Seguimos con máis taboleiros interesantes:

Taboleiro público de Galicia Confidencial

- Gconfidencial (Galicia Confidencial): Toda a actualidade de Galicia no xornal en galego líder en Internet. Como Cabozo é un proxecto totalmente independente e foi o primeiro medio galego en apostar por esta rede social :)

Taboleiro público de aMonAazul

- aMonaAzul: Probablemente o taboleiro máis canalla :D e un dos máis divertidos de Cabozo. Para moitos o taboleiro máis quente, sen chegar a queimar, da rede galega :P

Taboleiro público de Davidfdva

- davidfdva: O taboleiro deste “Historiador con vocación prehistoriadora” afincado en Tarragona :) é un dos máis interesantes de Cabozo podendo atopar nel contidos curiosos e de actualidade moi ligados á cultura e realidade galega.

Taboleiro público de Breoganh

- Breogahn: Como deixa entrever a súa Bio “De cativo, un día que non paraba de chorrar, meu avó mollóume o chupete na queimada. Uns anos máis tarde ocorréume o mesmo ca Obélix pero na pota de face-la caña” :D esta conta é un claro expoñente da retranca galega :) Podedes atopar contidos moi variados, dende información sobre Android ata curiosidades da zona do Barbanza. Por certo, ¡un consello! Se non tedes nada para comer a man e tedes moita fame… non se vos ocorra entrar a ver os seus álbums de fotos ou pasaredes moooita fame (envexa)! :D

Taboleiro público de Carloscaneda

- carloscaneda: Un dos usuarios con máis antigüidade de Cabozo e que dende Vilalonga, parroquia de Sanxenxo, nos trae música de todo tipo. Aínda que ultimamente non se pasa moito porque anda un pouco liado (nunca mellor dito e… ata aquí podo contar) :D é deses usuarios que convén seguir.

Taboleiro público de Ramondavella

- ramondavella: Conta que dende Fisterra nos trae, practicamente a diario, reflexións enxeñosas sobre a vida.

Taboleiro público de Trisquel

- trisquel: No taboleiro deste “Ciclista frustrado con alguns coñecementos de informática” podes atopar bastante información relacionada con internet e o software libre ademais de curiosidades variadas. Taboleiro público de Casauma

- casauma: Na conta de “Casa Uma, fermosa casa de turismo no rural das Rías Baixas, poderás atopar moita información sobre natureza e ecoloxía galega, entre outras cousas.

Taboleiro público de Begomtez

- begomtez: Practica inglés sen saír de Cabozo :)

Taboleiro público de Gamela

- Gamela: Seguindo a este profesor de Vigo seguiremos un dos taboleiros máis críticos e reivindicativos de Cabozo.

Taboleiro público de Abel

- abel: Se vos gusta viaxar ou coñecer novos lugares sen movervos da casa non deixedes de seguir o taboleiro deste profesor de Compostela “apaixonado da natureza, o mundo do motor, as viaxes, a metereoloxía e os bares” :D Aínda que non adoita pasar con asiduidade, cando o fai comparte espectaculares xoias en forma de reportaxes das súas viaxes por todo o mundo.

Taboleiro público de GalegoLab

- GalegoLab: Neste taboleiro podes seguir as iniciativas promovidas por GalegoLab, dar ideas, botar unha man e colaborar en accións a prol do galego :)

Taboleiro público de Alugris

- alugris: Interesante taboleiro dende Vigo con contidos variados.

Taboleiro público de Diadenos

- diadenos: A pesar de ser dos últimos usuarios en chegar, fano con forza dende Ourense :) Entre as primeiras achegas compartidas neste taboleiro atopamos contidos que recuperan parte da memoria audiovisual da cultura galega.

Taboleiro público de Galiloxia

- Galiloxia: A tecnoloxía en galego. Taboleiro onde podes atopar todo tipo de curiosidades sobre a ciencia, a tecnoloxía, e todo canto aparello imaxines :D

Taboleiro público de AnaGazza

- AnaGazza: Dende Pontevedra chéganos este taboleiro que poderiamos definir como unha recompilación de curiosidades da Rede :)

Taboleiro público de Monteuve

- monteuve: Interesante taboleiro no que, entre outras cousas, podemos ver fragmentos audiovisuais de grandes clásicos do cine internacional. Obrigatorio para os amantes do bo cine.

Para aqueles que esteades interesados en seguir a política galega recomendámosvos ler o seguinte post onde podedes ver as distintas opcións que tedes en Cabozo:

- A representación da política galega en Cabozo



Cabozo cumpre hoxe 4 anos, 3 na rede galega! :)

Lunes, febrero 13th, 2012

4º aniversario de Cabozo

A principios de 2008 empezáronse a compartir as primeiras mensaxes nunha pequena web galega creada por aquel entón sen maiores pretensións que servir de canle de comunicación dun reducido grupo de colegas de Viveiro.

Un ano máis tarde dábase o pistoletazo de saída á aventura cabozeira na rede galega.

Hoxe, 14 de febreiro de 2012, Cabozo celebra o seu 4º aniversario agradecendo o apoio dunha cada día maior comunidade de usuarios.

GRACIÑAS!!! ;)

Deckarz e LegnaLof

Publicidade en Cabozo como parte do acordo de colaboración para o novo deseño da web

Lunes, noviembre 7th, 2011

(Lectores no gallegos pinchad aquí)

Publicidade en Cabozo como parte do acordo de colaboración para o novo deseño da web

Como parte do acordo de colaboración alcanzado coa empresa lucense mtic! para o desenvolvemento do novo deseño de Cabozo a partir de agora veredes publicidade en galego e español, en forma de banner, de dúas das empresas do devandito grupo (mtic! e Dioptra)

Publicidade en Cabozo como parte do acordo de colaboración para o novo deseño da web

Esta publicidade será visible baixo as opcións da caixa ou columna da dereita. Cremos que é o mellor lugar para que a devandita publicidade non resulte invasora nin molesta para os usuari@s de Cabozo.

Saúdos! ;)

Cabozo, outra forma de entender as redes sociais

Miércoles, noviembre 2nd, 2011

(Lectores no gallegos pinchad aquí)

Deixemos clara unha cousa antes de empezar, a túa experiencia en redes sociais limítase só a redes tipo Facebook ou Tuenti? :P Pois cambia o chip agora mesmo! :)

Taboleiro (muro) dun usuari@ de Cabozo

A Cabozo non imos, en principio, a buscar os nosos marabillosos colegas ou esa/e veciñ@ do terceiro que está tan boa/bo e que se nos dá acceso á súa conta é ou porque non sabe como dicirnos que non, ou porque é tan ‘cotilla’ coma nós :D ou por que vai medio ‘piripi:P que si joer, que está moi boa/bo pero que agora non estamos a iso, a ver ho! :D Para ‘cotillear’ e ver o marabillosas e fantásticas que son as vidas dos nosos achegados, e deixar que ‘xoguen’ e se lucren coa nosa información persoal, xa temos os super mega chachi Facebook e compañía, non? :D ¬¬ Por certo, que perfectas parecen algunhas vidas nesas redes sociais verdade? :P Ben, imos ao noso ;)

Cabozeir@s, o nome que reciben os usuari@s de Cabozo

E diredes… e entón para que carallo serve Cabozo? Pódese facer algo máis que ‘cotillear’ aos nosos achegados nunha rede social? Pois si :D como ben saben e vos poden contar por exemplo os usuari@s de Twitter, ademais dos de Cabozo, claro! :) Se es usuario de Twitter asimilarás antes algúns conceptos de Cabozo por compartir estes certas similitudes cos de dito medio ollo, xa sabedes que o concepto é o concepto e iso é importante :D ¬¬ Iso si, agora que es libre de verdade :P intenta non pasar todo o día metido nas Cabozadas (a nosa “homenaxe” interna aos 140 carácteres :) ) e aínda que che custe un pouco librarte dese ‘límite dos 140 quen volo dera nas autoestradas, eh pillabáns? :D aproveita para descubrir un mundo novo con moitas máis posibilidades e no que as limitacións as marcas ti :D ;)

Cabozo facilíta máis opcións en cada post

A Cabozo vimos socializar con xente nova, a coñecer xente á que imos seguir porque nos resultan interesantes os contidos que compartan, por ter os mesmos intereses ca eles, as mesmas inquietudes, afeccións, etc.

En Cabozo interesa máis o que se di que quen o di. Por iso, e porque pasamos de lucrarnos cos vosos datos persoais, aquí non necesitamos que facilitedes ningún dato persoal para facer uso desta rede social ;) A nós non nos fan falta para nada e vós, chegado o caso, xa saberedes facilitar a vosa identidade a quen queirades como mellor vos pareza… non? :)

A todo isto… :D dende este momento xa podedes ir abandonando a desculpiña típica esa de que non vos unides a Cabozo porque aquí non coñecedes a ninguén… xa non é crible, eh? :D :P

Pois ben, se chegado ata aquí aínda che interesa saber como empezar a coñecer xente en Cabozo e como lograr que os contidos que compartes cheguen ao máximo número de usuarios posible, bótalle unha ollada aos enlaces que tes ao final desta entrada :)

"Arredor", novo servizo de xeolocalización de Cabozo

Se non, podes ir por onde viñeches, pecha a porta a modiño que vai viruxe, e… sorte por eses mundos tan abandonados da man do respecto á vosa privacidade! :D ¬¬

Bo vale! non me mires así! espera! :D Antes de que te vaias… se a ti o que che mola é relacionarte só cos teus achegados de forma privada aínda hai unha esperanza para ti! :P iso si, véxoo chungo, chungo porque… serás capaz de arrancar aos teus colegas ou noiv@ do Tuenti ou do Facebook? Dubídoo moito, non te vexo eu a ti… Ummm, non sei :D :P Ben, de todos os xeitos, se o lograses tamén poderás facer un “uso Facebook/Tuentide Cabozo a través dos múltiples grupos privados que podes crear para falar e compartir dun xeito sinxelo as túas fotos, vídeos, arquivos, etc. cos grupos de persoas que ti queiras… Vamos, que ademais poderás gozar da “super novidade” dos círculos Google pero sen círculos e á galega, como o polbo! :P :D E xa dispoñible por aquí dende o 2008. Pero… isto non o inventaran os de Google+? :D Ou só o redondearon? :P :D ¬¬

1.- Como deixar de ser a muller ou o home invisible en Cabozo :D e empezar a seguir outros usuari@s

2.- Como facer para que os contidos que compartimos en Cabozo cheguen ao máximo número de usuari@s