(…)
Rita e Israel, Fernandezlandin e BarreiroBalea en Cabozo, toman o relevo de Breogahn e Lambereteira como usuarios destacados do momento! 
Vexamos que nos contaron das súas vivencias en Cabozo:
- Entrevista a Rita e Israel, os usuarios cabozeir@s do momento
(opción non activada)
Non están todos os que son nin son todos os que están 
pero poden servir de guía para quen acabe de aterrar en Cabozo. Logo, como todo, para gustos hai cores 
Esta recompilación pretende ser unha pequena mostra dalgúns dos contidos que día a día se comparten nos taboleiros de Cabozo. As contas seleccionadas non se corresponden necesariamente cos usuarios máis activos da rede (que podedes coñecer no Ranking de Cabozo) xa que moitos usuarios prefiren participar máis activamente noutras seccións de Cabozo como as Cabozadas ou Grupos. Picando sobre os nomes dos usuarios podes acceder á versión pública dos seus taboleiros (Para ver a versión completa tes que ter conta en Cabozo)
Empezamos coas contas dos dous desenvolvedores de Cabozo. Recomendamos seguilos porque naide mellor que eles para botarvos unha man chegado o caso:
- LegnaLof: Ademais de información sobre Cabozo, adoita compartir bastante información sobre actualidade, redes sociais, recursos humanos, tecnoloxía, social media…
- Deckarz: (Actualmente ten a súa conta restrinxida exclusivamente a usuarios rexistrados en Cabozo). Aínda que ultimamente non adoita ter moito tempo para compartir contidos en Cabozo debido á súa recente paternidade, de cando en vez déixanos, ademais de información sobre Cabozo, algunha pincelada sobre a súa estancia en Alemaña onde reside desde hai uns anos…
Esta é outra conta interesante do equipo de Cabozo que tamén deberiades seguir:
- AchegasCabozo: Toda a información oficial sobre Cabozo publicase neste taboleiro. Ademais, case a diario, recolle unha mostra dalgúns dos contidos máis interesantes que se van publicando en Cabozo polo que tamén nos servirá para coñecer novos usuarios. Seguimos con máis taboleiros interesantes:
- Gconfidencial (Galicia Confidencial): Toda a actualidade de Galicia no xornal en galego líder en Internet. Como Cabozo é un proxecto totalmente independente e foi o primeiro medio galego en apostar por esta rede social
- aMonaAzul: Probablemente o taboleiro máis canalla e un dos máis divertidos de Cabozo. Para moitos o taboleiro máis quente, sen chegar a queimar, da rede galega
- davidfdva: O taboleiro deste “Historiador con vocación prehistoriadora” afincado en Tarragona é un dos máis interesantes de Cabozo podendo atopar nel contidos curiosos e de actualidade moi ligados á cultura e realidade galega.
- Breogahn: Como deixa entrever a súa Bio “De cativo, un día que non paraba de chorrar, meu avó mollóume o chupete na queimada. Uns anos máis tarde ocorréume o mesmo ca Obélix pero na pota de face-la caña” esta conta é un claro expoñente da retranca galega Podedes atopar contidos moi variados, dende información sobre Android ata curiosidades da zona do Barbanza. Por certo, ¡un consello! Se non tedes nada para comer a man e tedes moita fame… non se vos ocorra entrar a ver os seus álbums de fotos ou pasaredes moooita fame (envexa)!
- carloscaneda: Un dos usuarios con máis antigüidade de Cabozo e que dende Vilalonga, parroquia de Sanxenxo, nos trae música de todo tipo. Aínda que ultimamente non se pasa moito porque anda un pouco liado (nunca mellor dito e… ata aquí podo contar) é deses usuarios que convén seguir.
- ramondavella: Conta que dende Fisterra nos trae, practicamente a diario, reflexións enxeñosas sobre a vida.
- trisquel: No taboleiro deste “Ciclista frustrado con alguns coñecementos de informática” podes atopar bastante información relacionada con internet e o software libre ademais de curiosidades variadas. 
- casauma: Na conta de “Casa Uma“, fermosa casa de turismo no rural das Rías Baixas, poderás atopar moita información sobre natureza e ecoloxía galega, entre outras cousas.
- begomtez: Practica inglés sen saír de Cabozo
- Gamela: Seguindo a este profesor de Vigo seguiremos un dos taboleiros máis críticos e reivindicativos de Cabozo.
- abel: Se vos gusta viaxar ou coñecer novos lugares sen movervos da casa non deixedes de seguir o taboleiro deste profesor de Compostela “apaixonado da natureza, o mundo do motor, as viaxes, a metereoloxía e os bares” Aínda que non adoita pasar con asiduidade, cando o fai comparte espectaculares xoias en forma de reportaxes das súas viaxes por todo o mundo.
- GalegoLab: Neste taboleiro podes seguir as iniciativas promovidas por GalegoLab, dar ideas, botar unha man e colaborar en accións a prol do galego
- alugris: Interesante taboleiro dende Vigo con contidos variados.
- diadenos: A pesar de ser dos últimos usuarios en chegar, fano con forza dende Ourense Entre as primeiras achegas compartidas neste taboleiro atopamos contidos que recuperan parte da memoria audiovisual da cultura galega.
- Galiloxia: A tecnoloxía en galego. Taboleiro onde podes atopar todo tipo de curiosidades sobre a ciencia, a tecnoloxía, e todo canto aparello imaxines
- AnaGazza: Dende Pontevedra chéganos este taboleiro que poderiamos definir como unha recompilación de curiosidades da Rede
- monteuve: Interesante taboleiro no que, entre outras cousas, podemos ver fragmentos audiovisuais de grandes clásicos do cine internacional. Obrigatorio para os amantes do bo cine.
Para aqueles que esteades interesados en seguir a política galega recomendámosvos ler o seguinte post onde podedes ver as distintas opcións que tedes en Cabozo:
- A representación da política galega en Cabozo
(Lectores no gallegos pinchad aquí)
Rexistrado nesta espectacular rede social, si xa sei que son un ‘fanboy’ pero que queres? verás como despois de facilitar só unha conta de correo, xa podes empezar a explorar e a usar todos os servizos que ofrece Cabozo sen ter que ‘pasar por caixa’.
Cando falo de ‘pasar por caixa’ refírome a que aquí, ao contrario do que sucede noutras redes sociais, non precisas ‘pagar’ con información os servizos que che imos ofrecer e polo tanto non necesitas encher cos teus datos persoais ningún formulario con campos obrigatorios para poder empezar a usar esta rede social…
Aínda así, unha vez investigues ata o último canto da web, pero que buscarás alma de deus? non sexas merluz@ e antes de empezar a interactuar co resto de usuarios pasa pola opción “Configuración” para polo menos cambiar o logo por defecto de Cabozo pola túa imaxe de usuari@.
Se pola contra, despois desa primeira ollada, non tes pensado seguir usando esta rede social, ti o perdes pequeno saltamontes ou… saltaredes, non? non deixes abandonada a túa conta. Vai ás opcións de “configuración” e dáte de baixa. Cabozo segue sendo o mesmo cun rexistro máis ou cun menos e ti non seguirás danando a túa reputación online deixando abandonada unha conta máis… Iso si, se ousas deixar tirada a túa conta nalgunha das rúas cabozeiras atente ás consecuencias forasteiro, e xa te preavisamos, temos un dos mellores servizos grúa do momento e probablemente a mellor xestión de poxas do mundo. Avisado quedas…
Dito isto, pasemos a ver como podemos facer para que o resto de usuarios de Cabozo saiban que “xa estás aquí” Antes de nada, fai o seguinte:
PRIMEIRO:
Recorda pasar por “configuración“ e cambiar a imaxe de usuario. Se ademais engades algún dato máis ao teu perfil como unha pequena descrición (bio), o teu lugar de residencia ou algún dos teus gustos musicais por poñer un exemplo, a túa conta resultará máis atractiva para o resto de usuarios. Aquí tes todo o que podes configurar e recorda, non é obrigatorio cubrir ningún campo e ti decidirás en todo momento que é o que queres compartir e o que non. Agora ben, se es de Burela e queres que a xente che encontre polo teu lugar de residencia pero non o indicas… Cabozo non fai milagres, eh!
SEGUNDO:
Sobe algún contido ao teu muro (pestana “meu taboleiro“). Se queremos darnos a coñecer e captar a atención doutros usuarios será mellor ofrecerlles algo antes de que entren ao noso Taboleiro e o vexan tristeiro 
e baleiro, non? Ademais, se resulta interesante pode que outros usuari@s con máis seguidores cópieno ao seu Taboleiro e axude a darte a coñecer na rede. O que? Iso xa é cousa túa amigo… Recorremos outra vez á música? Quizais compartir un vídeo de YouTube con algunha das nosas cancións favoritas sexa unha forma amena de empezar… Agora ben, se xa tes moi claro que en Cabozo queres relacionarte principalmente con expertos en física cuántica quizais sexa mellor que subas un vídeo, foto ou noticia sobre os tan de actualidade neutrinos por poñer un exemplo… Captas a mensaxe?
Ben, feito isto xa podemos dicir que estás asead@ e presentable para empezar a interactuar co resto de usuarios cabozeir@s. Por fin! ¬¬
Segue agora estes 8 pasos e nunca máis te sentirás invisible en Cabozo. Imos alá!
1.- Mira se alguén che deixou algunha mensaxe de benvida no teu muro (xa sabes, pestana “meu Taboleiro“) e se é así, respóndelle. Pica directamente sobre o texto das súas mensaxes e a túa resposta aparecerá publicada no mesmo fío. Xa postos, podemos picar sobre os seus nomes ou imaxes de usuarios para acceder aos seus Taboleiros (muros) e ver os seus contidos. Quizais poidamos deixar algún comentario e sobre todo non se che esqueza seguir o usuario se che resultou interesante. Para iso só tes que picar sobre a opción “seguir usuario“
2.- Comproba se algún usuario xa te segue a ti. Veralo ou ben na pestana “Lox” (onde irás recibindo distintos avisos automáticos) ou nas opcións da columna da dereita onde verás “Seguido por (x)” Se entre paréntese aparece algún número ese será o número de seguidores que tes. Se tes algún seguidor pica sobre o devandito indicador e verás como se despregan os seus nicks ou nomes de usuario. Recomendo que tamén os sigas ti. Xa sabes, picas sobre os seus nomes e xa dentro dos seus Taboleiros en “seguir usuario“
Nesta fase de facernos visibles e darnos a coñecer, ti non te cortes á hora de seguir aqueles usuari@s cos que te vaias cruzando polo camiño. Co tempo, e a medida que vaias coñecendo máis xente, xa chegará o momento de filtrar e seguir só a aqueles que realmente che interesen. Agora o que nos interesa é que saiban que xa estamos aquí e ver “vida” na web 
3.- Segue as contas de Deckarz e LegnaLof, os dous ‘capos‘ de Cabozo Aínda que adoitan andar todo o día por aí de sarao en sarao con Mark Zuckerberg e compañía juju (mira que rachan do Facebook pero ao final…) é o que ten compartir ser mozos e ricos ¬¬ xa sabedes, deus críaos e eles… O caso é que ninguén mellor ca eles coñece Cabozo e nalgún momento entre festa e festa pode que vos boten unha man e axúdenvos a sacarvos dalgún aperto cabozeiro. Se por agora non te cruzaches con eles podes buscalos no buscador de Cabozo que atoparás na opción “usuari@s de cabozo/búsquedas“. Escribe os seus nomes de usuario (individualmente) e dalle a “enviar“. Accederás aos seus Taboleiros e dende aí pódelos seguir. Tamén recomendo seguir outras contas de Cabozo como AchegasCabozo ou Xeolocaboza.
4.- Segue os usuari@s máis activos de Cabozo. É recomendable, sobre todo ao principio, seguir os usuarios máis activos da web. A forma máis doada de facelo é, de novo, dende a opción “Usuari@s de Cabozo/Búsquedas” onde ao acceder veremos un Ranking de usuarios por Karma (indicador do nivel de actividade dun usuario en Cabozo). Picando sobre os seus nomes accedemos aos seus Taboleiros e dende aí poderémolos seguir como sempre en “seguir usuario“.
5.- Segue os usuari@s da túa vila, cidade, provincia… ou dunha determinada localidade. Outra vez en “Usuari@s de Cabozo/Buscas“, no buscador que comentei antes, marcando agora previamente a opción “cidade“, escribe o nome da localidade a buscar, por exemplo Viveiro e dalle a “enviar“. Aparecerán todos os usuarios que facilitaron ese dato na configuración da súa conta. Picando sobre as súas imaxes de usuario accedes tamén aos seus Taboleiros. Unha vez aí, xa sabes como seguilos.
6.- Non deixes de pasar por algúns dos xa máis de 120 grupos públicos existentes en Cabozo. Participa nestes grupos achegando contidos, comentando, etc. Hai grupos de diferentes temáticas: noticias, deportes, fotografía, coches, música, vídeos, sexo (hai máis grupos, eh! A ver se agora vas pasar aquí todo o tempo ) cine, saúde, comida, curiosidades, mascotas, ecoloxía, viaxes, motos, tecnoloxía, redes sociais, praias, vídeos, etc. Únete aos que che parezan máis interesantes e poderás coñecer xente cos mesmos intereses ca ti.
7.- Sácalle partido a “Arredor“, o novo servizo de xeolocalización que estreamos no renovado Cabozo. Como? Moi doado! Busca ou, se non a hai, crea a marca dese local, esa praia, restaurante, negocio, etc. que tanto che gusta e coñece xente coas mesmas preferencias ca ti de entre os que vaian comentando esas marcas (localizacións de puntos de interese creados polos propios usuarios)
8.- Pasa sempre que poidas polas “Cabozadas“. Deixei as Cabozadas para o final por ser un dos sinais de identidade de Cabozo e pola súa importancia no funcionamento global desta rede social.
As Cabozadas é algo que non teñen nin Twitter, nin Tuenti, nin Facebook, nin Google+… Podemos dicir que é o grande escaparate de Cabozo ou ese gran patio de veciños que toda comunidade ten. O nexo de unión de todos os usuarios cabozeiros. O que non pasase polo menos unha vez polas Cabozadas non é ninguén en Cabozo
A principal característica desta ferramenta é que aquí poderás coincidir e dialogar, mediante mensaxes curtas de non máis de 140 carácteres, con calquera usuario rexistrado en Cabozo, sígalo ou non, sígate ou non. E ademais todo o que aquí escribas ou enlaces pode ser visto por calquera outro usuario rexistrado en Cabozo.
Se analizas ben o que acabo de comentar verás o enorme partido que se lle pode sacar a esta opción de Cabozo facendo un uso intelixente da devandita ferramenta.
Como moitos de vós xa sabedes unha das peculiaridades de Cabozo é que os Taboleiros (muros) dos usuari@s son sempre públicos. Iso facilita coñecer os seus contidos e polo tanto a elección de que usuarios seguir en función dos nosos intereses. Recordade que só recibimos avisos automáticos das actualizacións dos usuarios que seguimos (Lox).
Por iso adoitamos dicir que Cabozo é unha rede social con posibilidades similares as de Facebook pero cunha filosofía de uso máis próxima a Twitter (non seguimos só colegas, tamén a quen xere contidos que nos resulten de interese)
Agora quixemos ir un paso máis alá e facilitar a visualización dos contidos dos Taboleiros (nunha versión limitada) tamén dende o exterior.
Polo tanto, calquera persoa, rexistrada ou non en Cabozo, poderá ver o noso Taboleiro sen necesidade de conectarse a Cabozo e dende el poderá acceder ao daqueles usuarios que nos sigan e ao dos que sigamos. Para iso deberá coñecer o noso nome de usuario (tal cal, distínguese entre maiúsculas e minúsculas) ou terlle facilitado previamente o enlace de acceso que será sempre do tipo:
- ht tp://cabozo.com/user/nomedeusuari@
ou
- ht tp://www.cabozo.com/user/nomedeusuari@
Aclarar que a versión do Taboleiro á que se pode acceder dende o exterior de Cabozo é unha versión limitada e polo tanto varias das súas opcións están desactivadas. Se picamos sobre elas redirixirannos á pantalla de inicio. Só poderemos gozar de todas as posibilidades da web se somos usuarios rexistrados.
Que podemos ver SEN estar rexistrado en Cabozo (ou sen conectarnos á web)?
- Ver o número de visitas que ten un Taboleiro
- Podemos ver a canle de Tv do usuario e a súa emisión se é en “aberto”
- Podemos ver as mensaxes e os vídeos, fotos e enlaces adxuntos a estes
- Compartir contidos en Twitter, Facebook ou Chuza
- Subscribirnos aos RSS dos Taboleiros d@s usuari@s
- Ver o perfil dos usuarios
- Ver os usuarios aos que seguen e polos que son seguidos
- Ver os grupos públicos de Cabozo aos que pertence
- Poderemos ver as mensaxes de Twitter dos usuarios se teñen a conta activa en Cabozo
Entre as opcións deshabilitadas están as seguintes:
- Non podemos facer comentarios nin deixar ningunha mensaxe nova
- Non podemos facer uso das iconas para ver dunha ollada todos os vídeos ou fotos adxuntos ás mensaxes dese Taboleiro
- Non podemos ver os álbums de fotos dos usuari@s (nin aínda que sexan públicos)
- Por suposto non poderemos acceder nin as Cabozadas (“microbloggin” e punto de encontro de todos os usuarios cabozeiros), nin á sección Novas, nin a Lox, nin acceder aos grupos, nin facer uso dos chats, nin das videoconferencias, nin acceder a xogos…
Con isto preténdese dotar a Cabozo de novas posibilidades de uso, dar a coñecer un pouco máis as posibilidades reais da web, lograr unha maior difusión e facilitar aos usuari@s compartir os seus contidos.
Por último aclarar que esta opción está activada por defecto. Se algún usuario non quere que se poida acceder ao seu Taboleiro dende fóra de Cabozo poderá desactivar a opción nos seus “Axustes” de usuario.
(Lectores no gallegos pinchad aquí)
Se tivemos a sorte de recibir un convite para formar parte desta estupenda comunidade caboZeira (por certo, coñeces a filosofía de uso de Cabozo?) isto é o que veremos ao entrar por primeira vez en Cabozo:
Estrutura da web
Como podes ver na imaxe superior, ao entrar por primeira vez en Cabozo aparecemos situados no noso Taboleiro, o que vén a ser algo así como o voso “muro” de Facebook ou “timeline” de Twitter. A ver se logramos que non pasedes tanto tempo por alí, pillabáns!
Dunha primeira ollada observamos como o Taboleiro de Cabozo está formado por dúas caixas ou columnas: a esquerda, máis ancha, reservada para os contidos que xeran os usuarios coas súas mensaxes (e para os avisos automáticos de Cabozo), e a caixa da dereita, máis estreita, reservada a unha serie de opcións e informacións para os usuarios e dende a cal podemos entrar aos Grupos, o outro grande ‘mundo’ dentro de Cabozo do cal falaremos noutra entrada
Cando entramos por primeira vez aparece marcada a pestana da caixa da esquerda “Meu Taboleiro“, unha das 5 que compoñen os Taboleiros de Cabozo (ver imaxe superior), o que indica que é o contido desa pestana o que estamos a ver nese momento, concretamente a mensaxe de benvida aos novos usuari@s cunha imaxe que presenta algunhas das utilidades de Cabozo e facilita un enlace (Ligazón) para acceder á información básica sobre esta rede social.
Se nos fixamos, tamén podemos ver outras pestanas ou botóns cos textos de cor amarela. Por agora só adiantaremos que cando o texto dalgunha das opcións de Cabozo apareza de cor amarela quere dicir que o seu contido foi actualizado dende a última vez que entramos alí.
Configuración
Ben, unha vez feita esta primeira toma de contacto coa web, o primeiro que recomendamos facer é ir á opción “Configuración” (que atoparemos na zona superior da columna dereita xusto enriba do noso nome de usuari@) para configurar alí a nosa conta e perfil de usuario. Ao entrar en “Configuración” isto é parte do que vemos:
Alí podemos, entre outras opcións, configurar a nosa foto de usuari@, perfil, personalizar o fondo de Cabozo cunha imaxe, conectar a nosa conta de Twitter, etc. (pica aquí para ver as posibilidades de configuración)
Unha vez configurada a nosa conta (sempre que modifiquedes algún dato recordade picar sobre o botón “gardar cambios“) aconsellamos ir ver o noso perfil público en Cabozo para ver como será visto polo resto de usuari@s. Para iso saímos de “Configuración” e imos á opción “Ver perfil de…” (na columna da dereita baixo os nosos datos de usuario).
Aquí podes ver a conta dun usuario despois de facer uso dalgunhas das posibilidades de configuración de Cabozo…
Unha vez configurada a nosa conta de usuari@ xa estamos “presentables” para darnos a coñecer en Cabozo e empezar a “socializar” Como? Pica aquí!
Non son tod@s @s que están nin están tod@s @s que son pero si son unha pequena mostra, máis ou menos representativa*, d@s máis de 3.500 usuari@s que, en maior ou menor medida, xa apostaron nalgún momento polo proxecto Cabozo: Graciñas cabozeir@s!!!
(Picando sobre as fotos dos usuari@s podedes acceder aos seus perfís públicos en Cabozo)
*Mostra aleatoria entre usuari@s máis activos, usuari@s menos activos e últim@s usuari@s rexistrad@s
Dende agora poderemos subscribirnos mediante RSS aos Taboleiros dos usuari@s de Cabozo. Isto permítenos recibir as actualizacións dos usuari@s a cuxos Taboleiros nos subscribamos aínda non estando conectados nese momento a Cabozo.
Poderemos subscribirnos aos RSS dos usuarios de Cabozo dende os seus Taboleiros (ver imaxe adxunta)
AchegasCabozo