Cabozo blog

Este pasado mércores celebrouse en Compostela, na Facultade de Ciencias Políticas, a mesa de debate ¿Atrapad@s na rede? con motivo das II Xornadas da Mocidade Galega na que interviñeron como relatores Pablo Belay (Chuza!), María Yañez (A navalla suíza) e Ánxel Folgueira en representación de Cabozo.

Dende Cabozo agradecemos, por ser cada día menos habitual, que os organizadores do evento contasen connosco sendo este un proxecto totalmente independente e á marxe de calquera posicionamento político.

A mesa “¿Atrapad@s na rede?” que formulaba un tema tan de actualidade como atractivo quizais puido dar máis xogo de terse centrado algo máis no debate sobre a temática formulada e non tanto na exposición de proxectos.

María Yañez, que foi a primeira en intervir, realizou un repaso aos proxectos máis destacados desenvolvidos pola empresa galega A Navalla suíza, entre outros falou de GalegoLab, EufaloTv ou o recentemente desaparecido FlocosTv.

Pablo Belay centrouse en dar a coñecer o proxecto Chuza! aos universitarios asistentes ao relatorio e formulou algunhas das razóns polas que podemos estar atrapados á rede.

Anxel Folgueira, en representación de Cabozo, tras falar das orixes da rede social galega da man de Antonio Mariño, comentou que efectivamente, como se chegou á conclusión no debate previo formulado entre os usuari@s de Cabozo, os mozos galegos e doutras partes do mundo están atrapad@s á rede. Deixou entrever a súa preocupación ao ver que a pesar diso os galegos non acaban de apostar pola rede galega, especialmente polas ferramentas creadas en galego e formulou as seguintes preguntas: “a rede galega en galego ten futuro? Ten sentido? Realmente ten audiencia?“

Pablo Belay respondeu cun “Eu a rede galega véxoa nunha situación bastante crítica e crítica porque os grandes medios como Facebook, Twitter ou Tuenti acaparan a maioría da audiencia. Despois… vantaxes que ten o local sobre o global? Moitas!“

Belay tamén formulou que moitos dos proxectos galegos, como Chuza ou Cabozo, adoitan ser proxectos desenvolvidos por asociacións ou individualmente e moitas veces sen a capacidade de “publicitarse” como poden ter iniciativas profesionais, polo que dixo que “realmente eu vexo complicado poder competir a nivel galego con eses ‘monstros’“

María Yañez comentou que non vía mal que houbese presenza galega en Facebook ou Twitter e que moita xente, aínda que a ela non lle parece nin ben nin mal, tampouco entendía por que hai que localizar todo e por que hai que facer versión galega de todo: “Se Twitter é o sitio e Facebook é o sitio esteamos alí, participemos alí e fagamos ruído alí“.

A pesar diso Yañez criticou que moita xente utilizase Facebook como única rede e que para moita xente internet só sexa Facebook cos perigos que isto pode ter ao ser unha web “pechada” dunha empresa privada.

Ante a opinión de María Yañez, Ánxel Folgueira defendeu que Cabozo non é unha adaptación dunha idea de fóra, senón que é outra proposta de rede social, orixinal, coas súas peculiaridades e “en clave galega” e formulou que en Galicia non podemos ir sempre a remolque dos proxectos que nos chegan de fóra dando a entender que se a mentalidade galega fose a de coñecer, valorar e apostar polos proxectos galegos en lugar de mirar só ao que vén de fóra ao mellor algún día ese sitio onde hai que estar, participar e facer ruído é un proxecto con orixe galega.

Os asistentes ás Xornadas puideron validar a súa asistencia por 1 crédito de libre elección.

Se de algo fomos conscientes en Cabozo dende que empezamos esta aventura é que o deseño da web nunca estivo á altura das funcionalidades que ofrecía. Ter optado polo camiño máis difícil desenvolvendo totalmente dende cero unha web de tal complexidade, unido aos poucos medios dispoñibles, fixo que ata agora practicamente todos os nosos esforzos se centrasen en desenvolver o “motor” da web e facer visible este proxecto. Así que se algunha materia pendente tiñamos cos nosos usuarios era precisamente a de intentar dotar a Cabozo dun deseño que mellorase a súa experiencia de uso.

Hoxe, grazas ao acordo de colaboración alcanzado coa empresa lucense m-tic!, iniciamos a conta atrás para ofrecervos, o antes posible, un deseño innovador, profesional e acorde á gran comunidade cabozeira.

Aínda que levabamos algún tempo recibindo propostas de colaboración, bastante insistentes por certo, dende fóra de Galicia (sorprendente!) alégranos especialmente poder colaborar con m-tic! ademáis de por ser unha empresa da terra, porque reúne varias das características coas que nos sentimos identificados en Cabozo sendo unha empresa formada por un equipo de traballo novo e dinámico, comprometido, creativo e ademais, con sobrada experiencia.

Ánxel Folgueira participará, en representación de Cabozo.com, na mesa redonda “Atrapad@ na rede?” onde tratará de dar o seu punto de vista sobre a base da súa experiencia no desenvolvemento da rede social galega. Xunto a el intervirán Pablo Belay e María Yañez representando Chuza e A Navalla Suíza respectivamente.

A intervención terá lugar o próximo mércores 13 de abril na Facultade de Ciencias Políticas e Sociais da Universidade de Santiago de Compostela, con motivo da celebración das II Xornadas da Mocidade Galega que se celebrará entre os días 12 e 14 de abril en Compostela e os días 29 e 30 do mesmo mes en Castrelo de Miño.

#NeThinking reune a destacados expertos en comunicación e redes sociais para abordar o novo escenario que propiciou o desenvolvemento de internet.

O encontro está a ser retransmitido por streaming a través de San Simón Tv e permite a participación virtual a través de Twitter mediante a etiqueta #nethinking

Entre os asistentes caras tan coñecidas como a presentadora de Tv Eva Hache ou de recente actualidade como o director de cine Nacho Vigalongo.

Aquí máis información sobre o evento.

#NeThinking reune a destacados expertos en comunicación y redes sociales para abordar el nuevo escenario que ha propiciado el desarrollo de internet. El encuentro está siendo retransmitido por streaming a través de San Simón TV y permite la participación virtual a través de Twitter mediante la etiqueta #nethinking. Entre los asistentes caras tan conocidas como la presentadora de TV  Eva Hache o de reciente actualidad como el director de cine Nacho Vigalongo.Aquí más información sobre el evento.

Interesante* faladoiro sobre o galego nas TIC en Correo TV

Tedes máis información sobre os tertulianos en Código Cero

*Non estaba de máis fronte ao “descoñecido” Facebook algunha pequena mención as “archichoñecidas” mundialmente alternativas galegas, entre elas Cabozo, web redactada integramente en galego…

Como moitos de vós xa sabedes unha das peculiaridades de Cabozo é que os Taboleiros (muros) dos usuari@s son sempre públicos. Iso facilita coñecer os seus contidos e polo tanto a elección de que usuarios seguir en función dos nosos intereses. Recordade que só recibimos avisos automáticos das actualizacións dos usuarios que seguimos (Lox).

Por iso adoitamos dicir que Cabozo é unha rede social con posibilidades similares as de Facebook pero cunha filosofía de uso máis próxima a Twitter (non seguimos só colegas, tamén a quen xere contidos que nos resulten de interese)

Agora quixemos ir un paso máis alá e facilitar a visualización dos contidos dos Taboleiros (nunha versión limitada) tamén dende o exterior.

Polo tanto, calquera persoa, rexistrada ou non en Cabozo, poderá ver o noso Taboleiro sen necesidade de conectarse a Cabozo e dende el poderá acceder ao daqueles usuarios que nos sigan e ao dos que sigamos. Para iso deberá coñecer o noso nome de usuario (tal cal, distínguese entre maiúsculas e minúsculas) ou terlle facilitado previamente o enlace de acceso que será sempre do tipo:

- ht tp://cabozo.com/user/nomedeusuari@

ou

- ht tp://www.cabozo.com/user/nomedeusuari@

Aclarar que a versión do Taboleiro á que se pode acceder dende o exterior de Cabozo é unha versión limitada e polo tanto varias das súas opcións están desactivadas. Se picamos sobre elas redirixirannos á pantalla de inicio. Só poderemos gozar de todas as posibilidades da web se somos usuarios rexistrados.

Que podemos ver SEN estar rexistrado en Cabozo (ou sen conectarnos á web)?

- Ver o número de visitas que ten un Taboleiro
- Podemos ver a canle de Tv do usuario e a súa emisión se é en “aberto”
- Podemos ver as mensaxes e os vídeos, fotos e enlaces adxuntos a estes
- Compartir contidos en Twitter, Facebook ou Chuza
- Subscribirnos aos RSS dos Taboleiros d@s usuari@s
- Ver o perfil dos usuarios
- Ver os usuarios aos que seguen e polos que son seguidos
- Ver os grupos públicos de Cabozo aos que pertence
- Poderemos ver as mensaxes de Twitter dos usuarios se teñen a conta activa en Cabozo

Entre as opcións deshabilitadas están as seguintes:

- Non podemos facer comentarios nin deixar ningunha mensaxe nova
- Non podemos facer uso das iconas para ver dunha ollada todos os vídeos ou fotos adxuntos ás mensaxes dese Taboleiro
- Non podemos ver os álbums de fotos dos usuari@s (nin aínda que sexan públicos)
- Por suposto non poderemos acceder nin as Cabozadas (“microbloggin” e punto de encontro de todos os usuarios cabozeiros), nin á sección Novas, nin a Lox, nin acceder aos grupos, nin facer uso dos chats, nin das videoconferencias, nin acceder a xogos…

Con isto preténdese dotar a Cabozo de novas posibilidades de uso, dar a coñecer un pouco máis as posibilidades reais da web, lograr unha maior difusión e facilitar aos usuari@s compartir os seus contidos.

Por último aclarar que esta opción está activada por defecto. Se algún usuario non quere que se poida acceder ao seu Taboleiro dende fóra de Cabozo poderá desactivar a opción nos seus “Axustes” de usuario.

Gustaríanos que os usuarios de Cabozo tivésedes claras as condicións de uso da web especialmente estes apartados:

nº7.- Todos os contidos subidos polos usuarios a Cabozo.com seguirán sendo exclusivamente da súa propiedade e ademais poderán eliminalos sempre e cando queiran.

nº8.- Os usuarios rexistrados en Cabozo.com poderán darse de baixa da web, por eles mesmos, en calquera momento.

nº9.- Cabozo.com non esixe aos seus usuarios ningún dato persoal para o rexistro, uso ou desfrute da web. Só é necesario unha conta de correo electrónico que unicamente será utilizada para facilitar aos usuarios o seu contrasinal en caso de esquecemento ou para poder recibir avisos das actualizacións daqueles usuarios que sigan na web e que poderán ser desactivados nos axustes de usuario. Esta información será de uso interno exclusivamente e nunca será transferida a unha terceira parte. O titular de Cabozo.com resérvase o dereito a anular unha conta de usuario en caso de suplantación de identidade.

Como vedes Cabozo ten entre as súas condicións de uso algúns puntos que non adoitan ser habituais nas redes sociais máis coñecidas e que unha vez máis fan desta rede un sitio orixinal, único e diferente

En maio de 2009 dabamos a coñecer os usuarios de Cabozo a videoteca de producións audiovisuais galegas en liña Flocos.tv, que por aquel entón viña de recibir o premio “Mestre Mateo” á mellor obra interactiva.

Hoxe temos que anunciar o recente peche do portal despois de meses de abandono por parte das autoridades competentes. A perda deste proxecto cultural deixa un gran baleiro na rede galega, especialmente no sector audiovisual.

A pesar de todo, como puidemos ler en Código Cero, parece que xa existen iniciativas para recuperar o proxecto dende o blog Cinema Galego e o portal GalegoLab

Este pasado sábado celebrouse Compostweets, o primeiro encontro de social media en Galicia, encontro que, ao noso entender, quedou a medias do que pretendía ser. Entre os relatores que asistiron ao evento en Compostela atopábase Francesc Pumarola (@pumarola), xefe de área de internet de La Voz de Galicia, que na súa intervención aludiu a Cabozo e recoñeceu que o caso Pervi fora un erro, cousa que no seu día non fixeron por escrito ademais de apuntar a Cabozo como a verdadeira rede social (non café virtual) “made in Galicia”.

Esta foi a súa alusión a Cabozo (min. 37:57 no vídeo adxunto):

Una pregunta  ¿hay alguien de Cabozo?¿aquí?¿en la sala? ¡Hombre, el de Cabozo! (ri) Bien, luego cuento el… es que hemos tenido ahí una polémica… entonces… hombre estos foros,  ya que nos “desvirtualizamos” también están para hablar de las cosas, sino no tienen mucho sentido [...] ¿eh?¿me quedan tres sólo? ¡Ah! Bueno, pues entonces ya lo contaremos más tarde…

Ao final, interrompido, quedamos coas ganas de saber que é o que ía dicir respecto diso…

Aquí fala do caso Pervi (min. 41:16 no vídeo adxunto):

Y luego, hombre no quería venir aquí y no hablar de esto porque seguro que alguien me lo va a preguntar. Supongo que conocéis el caso de Pervi, la red social gallega. Bueno, lo pongo como ejemplo de que… vamos a ver ¿supongo que conocéis la historia? Salió un día en La Voz que dos jóvenes habían creado Pervi como si fuesen los sucesores de los de Google. Entonces en las redes sociales, sobre todo en Twitter se nos empezó a criticar. Y bueno, es un error, a veces pasa, tú te puedes equivocar y ya está. Entonces ¿qué pasó? que en Twitter, entre ellos nuestro amigo Rubén Bastón empezaron aquí, bueno, Rubén y unos cuantos que están en esta sala… entonces empezaron “hay que ver , qué vergüenza, La Voz de Galicia, tal y no sé qué…” Lo digo para que lo sepáis y ¿entonces qué pasa? que de esto antes nadie se hubiese dado cuenta, hay gente que sí pero no lo puedes… como mucho hacías una carta al director.

Ahora estamos siempre oye con ese escáner que tiene la gente que está pendiente de estas cosas. Entonces a veces nos equivocamos y nos pasan. ¿Cómo hay que hacerlo? Bueno, yo creo que eso es una de las cosas que Rubén trabaja, que nosotros también trabajamos, de cómo cuando empiezan a hablar mal de nuestra marca cómo somos capaces de controlarlo o de en fin, de intentar apagar esa bola que puede ir creciendo a más y que bueno pues que intentamos… yo creo que todas las marcas son conscientes de que pueden hablar mal, tipo David Bisbal y a ver cómo eres capaz de pararlo.

Deixamos aquí o vídeo da intervención:

(Lectores no gallegos pinchad aquí)

Se tivemos a sorte de recibir un convite para formar parte desta estupenda comunidade caboZeira (por certo, coñeces a filosofía de uso de Cabozo?) isto é o que veremos ao entrar por primeira vez en Cabozo:

Estrutura da web

Como podes ver na imaxe superior, ao entrar por primeira vez en Cabozo aparecemos situados no noso Taboleiro, o que vén a ser algo así como o voso “muro” de Facebook ou “timeline” de Twitter. A ver se logramos que non pasedes tanto tempo por alí, pillabáns!

Dunha primeira ollada observamos como o Taboleiro de Cabozo está formado por dúas caixas ou columnas: a esquerda, máis ancha, reservada para os contidos que xeran os usuarios coas súas mensaxes (e para os avisos automáticos de Cabozo), e a caixa da dereita, máis estreita, reservada a unha serie de opcións e informacións para os usuarios e dende a cal podemos entrar aos Grupos, o outro grande ‘mundo’ dentro de Cabozo do cal falaremos noutra entrada

Cando entramos por primeira vez aparece marcada a pestana da caixa da esquerda “Meu Taboleiro“, unha das 5 que compoñen os Taboleiros de Cabozo (ver imaxe superior), o que indica que é o contido desa pestana o que estamos a ver nese momento, concretamente a mensaxe de benvida aos novos usuari@s cunha imaxe que presenta algunhas das utilidades de Cabozo e facilita un enlace (Ligazón) para acceder á información básica sobre esta rede social.

Se nos fixamos, tamén podemos ver outras pestanas ou botóns cos textos de cor amarela. Por agora só adiantaremos que cando o texto dalgunha das opcións de Cabozo apareza de cor amarela quere dicir que o seu contido foi actualizado dende a última vez que entramos alí.

Configuración

Ben, unha vez feita esta primeira toma de contacto coa web, o primeiro que recomendamos facer é ir á opción “Configuración” (que atoparemos na zona superior da columna dereita xusto enriba do noso nome de usuari@) para configurar alí a nosa conta e perfil de usuario. Ao entrar en “Configuración” isto é parte do que vemos:

Alí podemos, entre outras opcións, configurar a nosa foto de usuari@, perfil, personalizar o fondo de Cabozo cunha imaxe, conectar a nosa conta de Twitter, etc. (pica aquí para ver as posibilidades de configuración)

Unha vez configurada a nosa conta (sempre que modifiquedes algún dato recordade picar sobre o botón “gardar cambios“) aconsellamos ir ver o noso perfil público en Cabozo para ver como será visto polo resto de usuari@s. Para iso saímos de “Configuración” e imos á opción “Ver perfil de…” (na columna da dereita baixo os nosos datos de usuario).

Aquí podes ver a conta dun usuario despois de facer uso dalgunhas das posibilidades de configuración de Cabozo…

Unha vez configurada a nosa conta de usuari@ xa estamos “presentables” para darnos a coñecer en Cabozo e empezar a “socializar” Como? Pica aquí!