Posts Tagged ‘internet’

Concellos da Costa da Morte crean unha guía para difundir o uso do galego na Rede

Domingo, mayo 15th, 2011

Os meus favoritos. Guía de enderezos de internet

Os concellos de Carballo, Malpica de Bergantiños, Ponteceso e Zas, a través dos seus servizos de normalización lingüística, acaban de editar a guía Os meus favoritos, un catálogo que recolle preto de 200 enderezos de sitios web en galego de ámbitos tan diversos como a banda deseñada, o deporte, o audiovisual, a información cultural, a mocidade, as redes sociais, os xogos, etc.

De Os meus favoritos editáronse entre os catro concellos 8.000 exemplares en papel, que serán distribuídos nos centros de ensino, edificios públicos, aulas de informática, asociacións, etc. Ademais, todas as persoas interesadas poden solicitalo no Servizo de Normalización Lingüística (SNL) dos catro concellos que impulsan a iniciativa. Ademais, a guía tamén se difundirá en formato dixital a través de webs e correo electrónico.

Os obxectivos desta iniciativa son facilitar o descubrimento e o coñecemento do ciberespazo en galego, vencellar a lingua galega con novos e modernos espazos de uso, concretamente na rede e nas novas tecnoloxías, e contribuír á difusión da información de todo tipo na nosa lingua.

Cabozo é unha das webs que aparecen na guía

Agradecemos aos impulsores desta iniciativa que incluísen a Cabozo na guía ;)

Pachi Vázquez fala sobre a súa experiencia en Cabozo “que ten unha visión propia, que en ningún caso está reñida con estar noutras redes”

Domingo, abril 17th, 2011

O secretario Xeral do PSdeG, Pachi Vázquez, someteuse esta semana ás preguntas que os internautas lle fixeron chegar nos últimos días a través das redes sociais FacebookTwitter e a galega Cabozo.

Diversas cuestións da actualidade política, económica e social, tanto do ámbito local como autonómico e estatal foron formuladas ao político galego.

Vázquez fala da súa experiencia en Cabozo

Vázquez tamén foi preguntado pola súa experiencia nas redes sociais, e concretamente sobre a súa experiencia na rede social galega Cabozo. Dixo apostar “firmemente polas redes sociais” e invitou a todas as formacións políticas, sociais e económicas a participar nelas. “Eu síntome cómodo e encantado. E especialmente coa nosa rede social galega, que ten unha visión propia, que en ningún caso está reñida con estar noutras redes”.

No vídeo adxunto, podedes ver o momento concreto no que responde á pregunta sobre Cabozo no minuto 16:48 (fonte orixinal: web do PSdeG)

Cabozo invitado a participar nas II Xornadas da Mocidade Galega

Jueves, marzo 31st, 2011

internet

Ánxel Folgueira participará, en representación de Cabozo.com, na mesa redonda “Atrapad@ na rede?” onde tratará de dar o seu punto de vista sobre a base da súa experiencia no desenvolvemento da rede social galega. Xunto a el intervirán Pablo Belay e María Yañez representando Chuza e A Navalla Suíza respectivamente.

A intervención terá lugar o próximo mércores 13 de abril na Facultade de Ciencias Políticas e Sociais da Universidade de Santiago de Compostela, con motivo da celebración das II Xornadas da Mocidade Galega que se celebrará entre os días 12 e 14 de abril en Compostela e os días 29 e 30 do mesmo mes en Castrelo de Miño.

Segue en directo o evento #NeThinking

Miércoles, marzo 30th, 2011

#NeThinking reune a destacados expertos en comunicación e redes sociais para abordar o novo escenario que propiciou o desenvolvemento de internet.

O encontro está a ser retransmitido por streaming a través de San Simón Tv e permite a participación virtual a través de Twitter mediante a etiqueta #nethinking

Entre os asistentes caras tan coñecidas como a presentadora de Tv Eva Hache ou de recente actualidade como o director de cine Nacho Vigalongo.

Aquí máis información sobre o evento.


Watch live streaming video from illadesansimon at livestream.com
Watch live streaming video from illadesansimon at livestream.com

#NeThinking reune a destacados expertos en comunicación y redes sociales para abordar el nuevo escenario que ha propiciado el desarrollo de internet. El encuentro está siendo retransmitido por streaming a través de San Simón TV y permite la participación virtual a través de Twitter mediante la etiqueta #nethinking. Entre los asistentes caras tan conocidas como la presentadora de TV  Eva Hache o de reciente actualidad como el director de cine Nacho Vigalongo.Aquí más información sobre el evento.