(…)
Rita e Israel, Fernandezlandin e BarreiroBalea en Cabozo, toman o relevo de Breogahn e Lambereteira como usuarios destacados do momento! 
Vexamos que nos contaron das súas vivencias en Cabozo:
- Entrevista a Rita e Israel, os usuarios cabozeir@s do momento
(Pincha aquí para leer en castellano)
Estreamos nova versión web de Cabozo para móbil, coñecida entre os cabozeir@s como Tabomóbil 
CREA UN ACCESO DIRECTO DENDE O ESCRITORIO DO TEU MÓBIL
Aínda que dende a portada de Cabozo atoparedes un acceso permanente ao Tabomóbil, é moito máis útil crear un acceso directo dende o escritorio do voso móbil para acceder coma se dunha aplicación se tratase (exemplo na imaxe superior)
Accedede ao Tabomóbil dende o navegador do voso móbil e unha vez dentro, despois de meter o voso contrasinal e usuario, gardádeo en favoritos. Logo, xa poderedes crear o acceso directo.
OPCIÓNS DA NOVA VERSIÓN MÓBIL DE CABOZO
Esta é a pantalla principal do Tabomóbil e dende ela poderemos acceder a todas as opcións. Vexamos que podemos facer dende cada unha delas:
Meu Taboleiro (muro):
Dende Meu Taboleiro podemos ver todo o que se publica no noso muro de Cabozo. Se alguén deixa algún comentario nalgunha desas publicacións debaixo da mesma veremos o “nº respostas” e picando sobre esa publicación veremos os devanditos comentarios. Na imaxe superior observamos como nunha das publicacións temos 3 respostas/comentarios. Se picamos sobre ela veremos eses comentarios:
Nova Mensaxe:
Dende esta opción podemos publicar novas mensaxes no noso taboleiro (muro) e achegar unha imaxe e/ou un vídeo do YouTube. Ademais dásenos a opción de xeolocalizar a mensaxe e mesmo a posibilidade de crear unha marca (dun sitio de interese, praia, restaurante, etc.) á que logo o resto de usuarios poden acceder dende “Arredor“.
Respostas:
Dende esta opción (que cambiará a cor vermella se hai novidades) veremos as respostas que recibamos a calquera conversación na que participemos nun taboleiro, sexa noso ou doutro usuari@. Se picamos sobre as devanditas respostas verémolas no fío orixinal. Podemos borrar dun golpe todas as respostas pendentes de ver picando en “Borrar pendentes“.
Lox:
Como na versión web avísanos (cambiando a cor vermella) cada vez que se actualiza o taboleiro dun usuari@ ao que seguimos, cando empeza a seguir a outro usuario, cando sobe unha nova imaxe aos seus álbums, etc. Picando sobre os avatares accedemos ao taboleiro (muro) dese usuario.
Cabozadas:
As Cabozadas son o gran punto de encontro para todos os usuarios de Cabozo, un chat global onde falar en tempo real con todos os usuarios que pasen por alí nese momento. É un gran escaparate onde podemos darnos a coñecer e dar difusión aos contidos do noso taboleiro (calquera usuario poderá ver o que aquí publiquemos aínda que non nos siga nin o sigamos). Do bo uso que fagamos das Cabozadas dependerá en boa medida o incremento do noso número de seguidores e con iso da nosa audiencia real en Cabozo. Pica sobre o texto das mensaxes para responder directamente.
Privados:
Aquí veremos (cambia a cor vermella cando recibimos algún) as mensaxes privadas que recibamos. Picando sobre o texto das mesmas responderemos directamente, tamén de forma privada. Se picamos sobre “Contactos habituais” veremos os avatares daqueles usuarios cos que nos enviamos mensaxes privadas de forma habitual para facilitarnos acceder aos seus taboleiros e poder enviarlles novas mensaxes privadas.
Seguimentos:
Avísanos dos usuarios que se conectaron máis recentemente a Cabozo de entre os que seguimos. Picando sobre os seus avatares poderemos acceder aos seus taboleiros, seguilos/deixar de seguilos ou enviarlles un privado.
Arredor:
Descobre sitios de interese (aloxamentos, bares, comercios, eventos, festas, noticias, praias, restaurantes, etc.) recomendados por outros usuari@s e cabozeiros próximos á túa localización real. Descobre tamén os doutras zonas desprazándote polo mapa e “xogando” co zoom.
Picando sobre as marcas veremos a información que conteñen. Se picas sobre esa información aparecerá estendida e se hai, tamén os comentarios. Tamén poderás engadir comentarios aos que podes achegar imaxes. Street View dispoñible.
Outras das peculiaridades de Arredor, nesta versión móbil de Cabozo, son as Rutas. As rutas indícannos como chegar dende a nosa localización actual até calquera dos puntos de interese marcados no mapa.
Por último comentar, que picando sobre os avatares dos usuarios en calquera parte do Tabomóbil accederemos a unha xanela que nos permitirá seguilo ou deixar de facelo, enviarlle unha mensaxe privada ou acceder ao seu taboleiro.
NOTA: Buscamos empresa ou desenvolvedor interesados en adaptar esta versión web de Cabozo para móbil a versións Android e iOS. Se é o teu caso non dubides en poñerte en contacto.
(Pica aquí para ler en galego)
Ángel Folgueira, cofundador de Cabozo, habla sobre esta red social en “La Red, también gallega” reportaje sobre el gallego y las redes sociales emitido recientemente en el programa “Desde Galicia para el mundo“ del canal internacional de TVE.
En el mismo también podemos ver a Ian Vázquez, impulsor de “Twitter en galego XA!“, inicitiva que busca incorporar el gallego como opción en la configuración personal de Twitter.
Y hablando de Twitter… os recordamos que, además de en el propio Cabozo, también podéis seguir por allí las cuentas de sus responsables: @lexnalof, @deckarz y @cabozo_com
(…)
Lanzamos a actualización da extensión creada por Cabozo para Google Chrome que facilita a consulta do Dicionario da RAG e a tradución de textos ao galego.
A nova versión desta extensión, da que no seu día se fixo eco a propia web da Real Academia Galega, engade, ás xa existentes, as seguintes opcións:
- Pronunciación do texto/palabra seleccionado en portugués
- Pronunciación do texto/palabra seleccionado en español
- Pronunciación do texto/palabra seleccionado en inglés
Adaptada as novas esixencias de Google, podédela descargar da Chrome Web Store dende aquí:
(…)
Ángel Folgueira, un dos responsables de Cabozo, o pasado mércores en Lugo, charlando sobre esta rede social para unha reportaxe sobre o galego e as redes sociais que se emitirá o vindeiro sábado 29 de setembro no programa “Desde Galicia para el mundo” da canle internacional de TVE.
Vinte anos despois o Lugo volve ser equipo de Segunda división tras superar unha complicada eliminatoria ante o histórico Cádiz que tivo que resolverse na quenda de penaltis. En Cabozo vivimos o ascenso xunto a miles de afeccionados lucenses na pantalla xigante instalada na praza de Augas Férreas. Deixámosvos fotos e vídeos dunha noite máxica para o CD Lugo e a cidade amurallada 
3 minutos de vídeo (en calidade Full HD) que reflicte a tensión vivida nos penaltis finais e a ledicia tras a consecución definitiva do ascenso
Aquí tedes unhas fotos do ambiente na praza de Augas Férreas
Sol e calor en Lugo para sufrir ante o Cádiz
Como podedes ver nin os romanos do Arde Lvcvs quixeron perder o partido 
E por fin, o Lugo xa era de segunda… Aparecen as primeiras bengalas
Xente chegando á Fonte do Rei
E máis xente celebrando o ascenso…
O Lugo volve durmir 20 anos despois como equipo de Segunda!!!
Dende hai unhas horas xa loce na portada de Cabozo o deseño gañador do concurso #LogoCabozo17M, concurso ideado con motivo do Día das Letras Galegas 2012:
Este deseño, que por primeira vez preside a portada de Cabozo non sendo o logo orixinal chega dende a Costa da Morte, máis concretamente dende Baio (Concello de Zas) da man do seu autor Marcos Martínez Romero.
Así se xestou o deseño gañador
Isto é o que contaba Marcos sobre o proceso de creación do seu traballo:
“Trátase dunha interpretación de 2 tipos de cabozos: o de pedra e o de madeira (como adxunto na imaxe do proceso) fusionándose coa imaxe da persoa á que se lle adica o Día das Letras Galegas deste ano”
Noraboa polo traballo Marcos!
Nos próximos días faráselle entrega da cesta de produtos lucenses doada por m-tic! e saberemos algo máis sobre o autor e a súa obra nunha entrevista para Galicia Confidencial.
Todos os deseños do concurso:
#LogoCabozo17M foi un concurso ideado por GalegoLab e Cabozo
Xa temos finalistas! :)
Despois duns días de deliberación, estes son os 3 deseños que o xurado* do concurso #LogoCabozo17M quere destacar e de entre os cales sairá o gañador definitivo:
Creado polo usuario de Cabozo: Eseoaneriveira
Así describe o seu deseño: “O meu deseño é simple. Trátase do galardoado deste ano, Valentín Paz Andrade, simplificado e adaptado á bandeira Galega cruzando o seu peito. Búscase así que se recoñeza a este autor non só polos escritos, senón polo seu aspecto e relacionalo coa bandeira. Non é un logo permantente, pero para a ocasión, na que o importante é este escritor, creo cumpre as expectativas esperadas, debido tamén ao seu sinxelo deseño”
Creado pola usuaria de Cabozo: Eugznomeular
Así describe o seu deseño: “Palabras de Paz Andrade nun cabozo”
Creado polo usuario de Cabozo: M_martinez_arq
Así describe o seu deseño: “Trátase dunha interpretación de 2 tipos de cabozos: o de pedra e o de madeira (como adxunto na imaxe do proceso) fusionandose coa imaxe da persoa a que se lle adica o día das letras galegas deste ano”
Un destes 3 deseños será o gañador definitivo do concurso!!! E… como saberemos quen é o gañador? Pois hoxe ao longo da tarde/noite aparecerá o deseño gañador na portada de Cabozo!!! Estade atentos!!!
Agradecer ao resto de usuari@s a súa participación e a alta calidade tamén dos traballos achegados o que dificultou moito a elección dun único gañador. Graciñas!!! (Ver o resto de deseños)
*Lembrar que o xurado do concurso está composto por algúns dos responsables de m-tic!, GalegoLab e Cabozo coa colaboración de Galicia Confidencial.
(…)
Dende Cabozo queremos compartir a extensión que creamos para facilitar a consulta do Dicionario da RAG e a tradución de textos ao galego dende Google Chrome:
- Ferramentas de galego para Chrome
INCLÚE AS SEGUINTES OPCIÓNS
- Buscar a palabra seleccionada no dicionario da RAG
- Traducir o texto seleccionado de español a galego
- Traducir o texto seleccionado de inglés a galego
- Traducir unha web de español a galego
- Traducir unha web de inglés a galego
MÁIS FÁCIL IMPOSIBLE
Seleccionas un texto, pulsas sobre “botón dereito” no rato e aparecen todas as opcións dispoñibles
OPCIÓN FIREFOX
Antón Méixome, do proxecto Trasno, publicou unha extensión que facilita a consulta do diccionario dende Firefox
ACTUALIZACIÓN
A web da Real Academia Galega fixo mención á extensión para integrar o seu dicionario no navegador Google Chrome creada por Cabozo. (Parece que a web da RAG non mantén os enlaces. Se non atopades o artigo aquí tedes unha captura deste)
OPCIÓN OPERA
O usuario Enfeitizador explica nesta entrada de Cabozo como configurar o dicionario tamén no navegador Opera
(…)
Dende FEGEREC (Federación Galega de Enfermidades Raras e Crónicas) puxéronse en contacto con Cabozo para que axudemos a difundir esta acción solidaria.
Con motivo da próxima maratón Coruña 42, o 15 de abril, puxemos en marcha un proxecto de crowdfunding para conseguir fondos para FEGEREC na páxina migranodearena.org.
AchegasCabozo