Posts Tagged ‘rede’

Adaptamos a portada de Cabozo para dar cobertura ás mobilizacións cidadás das principais cidades galegas

Miércoles, mayo 18th, 2011

(Lectores no gallegos pinchar aquí)

Adaptamos a portada para dar cobertura as #acampadasgalegas

Por primeira vez, motivados pola relevancia dos acontecementos, dende Cabozo decidimos adaptar por tempo indefinido a nosa portada* para facilitar aos nosos usuari@s, e a todo aquel que o desexe, o seguimento das mobilizacións nas principais cidades galegas. Ademais faremos un seguimento á concentración da Porta do Sol en Madrid que foi a precursora deste movemento que pretende cambios sociais e políticos na nosa sociedade.

Acampada hoxe en Lugo na Praza Maior

Que podes seguir dende a nosa portada? Webcams, tweets, vídeos, fotos, noticias…

Ademais das opcións habituais da portada de Cabozo, que relegamos a un segundo plano, agora atoparedes as etiquetas de Twitter (hashtag) baixo as que se están seguindo as principais mobilizacións galegas, a acampada de Puerta del Sol en Madrid e algunhas das etiquetas xenéricas deste movemento.

Picando sobre esas etiquetas veremos as últimas mensaxes que fagan referencia ás mesmas, as últimas 8 fotos ou vídeos referidos ás devanditas etiquetas e a webcam, se a hai, a dita acampada (como por exemplo podedes ver en #acampadaobradoiro).

Ademais poderedes ver un mapa das distintas acampadas, ademais de noticias sobre as mesmas.

Pica aquí e visita a portada de Cabozo

*Algunha vantaxe tiña que ter ser unha web libre, independente, non subvencionada e creada baixo código propio :P

Saúdos! ;)

Axuda a Galicia Confidencial. Axuda a manter un xornalismo libre e sustentable

Domingo, mayo 15th, 2011

Galicia ConfidencialO primeiro medio galego en apostar por Cabozo precisa da túa axuada para poder seguir ofrecendo unha información independente, obxectiva e en galego.

Podes seguir a Galicia Confidencial en Cabozo

Os tres milleiros e medio de usuari@s diarios de Galicia Confidencial xa poden contribuír a mantelo como referencia da información independente na rede galega.

Consulta aquí todas as posibilidades de colaboración.

Concellos da Costa da Morte crean unha guía para difundir o uso do galego na Rede

Domingo, mayo 15th, 2011

Os meus favoritos. Guía de enderezos de internet

Os concellos de Carballo, Malpica de Bergantiños, Ponteceso e Zas, a través dos seus servizos de normalización lingüística, acaban de editar a guía Os meus favoritos, un catálogo que recolle preto de 200 enderezos de sitios web en galego de ámbitos tan diversos como a banda deseñada, o deporte, o audiovisual, a información cultural, a mocidade, as redes sociais, os xogos, etc.

De Os meus favoritos editáronse entre os catro concellos 8.000 exemplares en papel, que serán distribuídos nos centros de ensino, edificios públicos, aulas de informática, asociacións, etc. Ademais, todas as persoas interesadas poden solicitalo no Servizo de Normalización Lingüística (SNL) dos catro concellos que impulsan a iniciativa. Ademais, a guía tamén se difundirá en formato dixital a través de webs e correo electrónico.

Os obxectivos desta iniciativa son facilitar o descubrimento e o coñecemento do ciberespazo en galego, vencellar a lingua galega con novos e modernos espazos de uso, concretamente na rede e nas novas tecnoloxías, e contribuír á difusión da información de todo tipo na nosa lingua.

Cabozo é unha das webs que aparecen na guía

Agradecemos aos impulsores desta iniciativa que incluísen a Cabozo na guía ;)

Aumentan as opcións de xeolocalización do Tabomobil coa inclusión das “Rutas”

Domingo, mayo 8th, 2011

As opcións de xeolocalización do Tabomobil integran agora as Rutas

Agora dende a opción “Arredor” do noso Tabomobil (versión web de Cabozo para smartphone), picando sobre as marcas creadas podemos ver unha nova opción que é ver a Ruta entre a nosa situación e o punto de interese seleccionado. Podense ver rutas a pé ou en coche.

Exemplo de Ruta no Tabomobil

Aumentan as posibilidades de xeolocalización en Cabozo :D

Entrevistamos a Lambereteira e Breogahn, os usuari@s cabozeiros do momento.

Jueves, mayo 5th, 2011

Fiestra e TTV foron os anteriores usuari@s destacados

Por primeira vez dende que incorporamos esta sección a Cabozo, adiantamos no noso blog as entrevistas aos “Usuari@s destacados”. Estas entrevistas que vimos realizando dende hai tempo, sen unha periodicidade fixa, serán publicadas a partir de agora tamén por aquí.

Esperamos que vos resulten interesantes e que sirvan para dar a coñecer un pouquiño máis este proxecto.

Inauguramos esta sección no blog coas entrevistas a Lambereteira e Breogahn que collen o relevo de Fiestra e TTV. Aí van: :D

Taboleiro público de Lambereteira en Cabozo

ENTREVISTA A LAMBERETEIRA:

1.- Ola Lambereteira! Que tal? Filóloga, de Sarandón, amante da natureza… Como chegas ata Cabozo?
Teño desde hai algo máis de tempo que a miña conta en cabozo (non moito máis) unha conta en Facebook (coma case todo quisque, jeje) e teño agregadas varias publicacións en galego. Nunha delas, agora non recordo ben cal, entrei e había unha nova sobre Cabozo, describíndoo como rede social galega. Entón dixen, xenial! hai que participar aquí. E así foi como abrín a miña conta.

2.- Cal foi a túa primeira opinión da web?
Pois pareceume un pouco diferente do Face, por suposto, sobre todo a posibilidade de entrar en contacto con outros usuarios por medio das Cabozadas, que me pareceu fantástico. Aí foi onde me sentín xa moi a gusto desde o primeiro día, pola boa acollida. E, como teño dito algunha vez máis, o ambiente sinxelo, familiar, agradable, da xente que está en Cabozo, foi o que máis me gustou desde un principio. As posibilidades de interactuar con outros usuarios parécenme máis amplas que noutras redes.

3.- Por que o teu nome de usuaria?
Pois a verdade, non sei moi ben. Pensei algo, por suposto, en galego. E ó mellor que tivera que ver un pouco co meu carácter tímido e extrovertido a un tempo :) jeje. E tampouco quería un apodo que fose exactamente o meu nome, iso resultábame máis aburrido. Eu que che sei, aquel día tiña un día simpático, jajaja.

4.- Hai algo que che achegue esta rede social que non poidas atopar en redes como Twitter ou Facebook?
Pois, como dicía antes, a posibilidade de conversar directamente, abertamente, con xente nas Cabozadas, sen que nos coñezamos de nada a maior parte das veces. Eu non tiña coñecidos na rede e axiña me sentín a gusto. O intercambio de opinións sobre diversos temas é moi fluído e moitas veces moi divertido e satisfactorio. E pouco a pouco, teño que dicir, pois vas tamén facendo bos amigos/as. É coma estar no bar parolando cos veciños. Iso non o hai no Face, que eu saiba. E ademais podes acceder a información actual ou interesante por medio dos demais usuarios e das posibilidades da propia rede. Os grupos tamén son unha opción moi interesante para intercambio de opinións, ideas, gustos, etc. Diría que, dentro do tamaño da rede, a comunicación é á vez de ti a ti e ó mesmo tempo global. Iso tampouco o atopei no Twitter. Penso que cada unha destas redes ten filosofías e finalidades diferentes. Tamén creo que é moi salientable a posibilidade de interactuar cos creadores/xestores da rede, de forma que Cabozo se vai construíndo e transformando pouco a pouco tamén contando cos usuarios. Esta rede está viva!!

5.- Que opción de Cabozo é a que máis che gusta?
Creo que é evidente que as Cabozadas, non? jeje

6.- Botas algo de menos no actual Cabozo?
Pois a verdade é que non levo demasiado tempo. Dos cambios que houbo ata agora, desde que eu son usuaria, quizais o máis salientable foi que non se poida agora abrir unha conta sen ser convidado. E polo demais, aínda non lle saquei á rede todo o proveito que podería, por desgraza, por falta de tempo.

7.- Como recomendarías esta rede social a unha persoa que non coñecese esta web?
Pois falándolle da miña experiencia positiva e de todas as facilidades que ofrece esta web que eu non lle atopo a outras redes. Creo ademais que o feito de que a rede sexa galega debería ser un plus para todos os que vivimos en Galicia, xa que é algo “noso”, independentemente de que a súa lingua de comunicación habitual sexa o galego ou non.

8.- Entenderías que Cabozo tivese que deixar de ser unha web exclusivamente galega para poder subsistir?
As redes sociais tenden a expandirse. Eu non creo que sexa incompatible que este proxecto sexa á vez galego e internacional, mentres se manteña nos seus principios. O que si non me gustaría é que o proxecto deixe de ser galego no sentido de que a forma de ser de Cabozo e a súa lingua principal de comunicación deixe de ser “galego/a”.

9.- Se de ti dependese, que medida ou medidas adoptarías para que a sociedade galega apostase aínda máis por esta rede social?
Por desgraza creo que non hai unha fórmula para conseguir iso. Seguramente unha maior publicidade, unha proxección máis externa, e con iso refírome a estar máis presentes noutras webs, e o boca a boca dos usuari@s.

10.- Gustaríache comentarnos algo máis?
Que todos sigamos con moito ánimo e apostando por algo que é xenuino e que aínda ten moito, moito que aportar!!

Taboleiro público de Breogahn en Cabozo

ENTREVISTA A BREOGAHN:

1.- Ola Breogahn! Como vai? De Queiruga, lobo de mar, fumador empedernido, deportivista confeso, amante dos praceres da vida e sobre todo, jolfo pechabares! Como chega un jolfo pechabares ata Cabozo? Agora mesmo non lembro moi ben pero coido que foi nun deses días que ando de julle-julle pola rede. Non sei se foi nunha web, lendo unha noticia ou unha entrada nun blogue. Non sei se é que me está a empeza-lo alzheimer ou é producto de saír tanto de festa :D O caso é que por moitas voltas que lle dea ó tarro non consigo lembrarme :S

2.- Cal foi a túa primeira opinión da web? De principio cando entrei e vin o faladoiro grupal (Cabozadas) dixen eu “MIMÁ, LLOU!!! Se xa falando cunha persoa as veces é un caos, con tod@s debe ser unha auténtica bacanal! Non vou tardar en escarallarme vivo:D Foi todo ó contrario e a verdade que é moi gratificante atopar e trocar diferentes ideas. Nunha palabra: pluralidade.

3.- Por que o teu nome de usuario? Antes non paraba de troca-lo meu nick, e un día, estaba a ler sobre a lenda de Breogán, o rei celta que temos no noso himno, que ten unha estátua preto da torre de Hércules e que resulta que temos en común cos irlandeses. Eles escríbenno “Breogahn” (creo que en gaélico), así que adoitei coller esa forma de escribilo xa que non é usual atopálo escrito deste xeito.

4.- Hai algo que che achegue esta rede social que non poidas atopar en redes como Twitter ou Facebook? A verdade é que sí. En dúas palabras: proximidade e familiaridade.

5.- Que opción de Cabozo é a que máis che gusta? Agora mesmo, os derradeiros trocos que houbo. Tanto o Tabomóbil para Android como a Xeolocalización e a posibilidade de subir fotos xelolocalizando éstas últimas.

6.- Botas algo de menos no actual Cabozo? Só unha cousa. A posibilidade de falar con alguen en particular sen ter a necesidade de mandarlle un privado.

7.- Como recomendarías esta rede social a unha persoa que non coñecese esta web? Vaia prejunta tes, meu rei!… Diríalle que os datos dos usuari@s só lles pertencen a eles (non coma noutras redes sociais); que é unha rede social “jalleja de pura sepa“, unha mestura de Facebook e Twitter e que probe que ha de gustarlle (mentes pervertidas xa vos estou vendo!).

8.- Entenderías que Cabozo tivese que deixar de ser unha web exclusivamente galega para poder subsistir? Por suposto que o entendería. Un blog ou unha web poden ser, de principio, unha forma que ten o titular do mesmo de pasa-lo tempo. Se ten moitas visitas, pódese un plantexar a posibilidade de ser un complemento ó salario, ou como moito, vivir diso. Unha rede social é unha empresa. Se as cousas funcionan ben, mellor para os usuarios, os empregados da mesma e por suposto, a empresa.
Dende que cheguei a Cabozo, non parou de medrar. Se para que Cabozo teña que expandirse e con iso significa “ser un pouco menos galego” sen ter que renunciar a súa identidade e filosofía (e po-lo tanto que vaian as cousas vento en popa) particularmente opino que Cabozo ten o deber de facer ese “sacrificio“. Se un pon cartos do seu peto para aguantar ou ten pérdidas, é mellor pecha-la porta e tan amigos coma sempre.

9.- Se de ti dependese, que medida ou medidas adoptarías para que a sociedade galega apostase aínda máis por esta rede social? Cando un estadounidense ten un proxecto que se ve que vai furular o resto da xente dille: “Oh, que boa idea! Cara adiante, neno“. Se non e tan boa a resposta e semellante a: “Imos alá! Veremos que pasa“.
En Galicia temos tal complexo de inferioridade que non é normal. Non me extrana que nos invadisen os romanos. Valoramos máis o de fóra co noso. Temos empresas que son pioneiras ou o foron nos seus respectivos sectores (Pescanova, Frinsa, Jealsa-Rianxeira, Rodman, Navantía, Blusens ou Inditex por poñer uns exemplos). Temos exactamente o mesmo cos de fóra así que xa é hora de que nos poñamos as pilas dunha vez e deixemos nun currucho ese complexo tan absurdo.
A todo isto, estoume a lembrar de dous rapaces cataláns que idearan un sistema para deixar arquivos na rede para así non estar obrigados a ter que telos aloxados no ordenador. Os seus achegados dixéronlles que se deixaran de parvadas e que seguisen estudiando. Un tempo despois, Google, Apple & cia lanzaron unha cousa chamada “cloud computing (computación na rede) na que un podía deixar os seus arquivos na rede.

10.- Gustaríache comentarnos algo máis? Sí. Canto dixeches que me ías pajar pola entrevista, ho? :P Acéptase tamén pagos en forma de barrís de cervexas, ron, whisky e semellantes ou aljún que outro xabarín para papar ;) :D :D

Subir imaxes ao Taboleiro dende un iPhone (iOS) e non morrer no intento

Sábado, abril 30th, 2011

(Lectores no gallegos pinchar aquí)

Os posuidores dun iPhone ou doutro aparello co Sistema Operativo iOS de Apple, atopámonos con que nas webs onde se dá a opción de subir algún arquivo ou imaxe, o botón da devandita función aparece desactivado no Safari Mobile.

Isto mesmo pásanos se queremos subir unha imaxe ao noso taboleiro dende o Tabomobil de Cabozo onde tamén veremos o botón “Seleccionar arquivo” desactivado:

boton

Debido a isto, e a que tamén Deckarz é usuario de Apple, como varios dos usuari@s de Cabozo, púxose a buscar unha solución e atopou estas dúas:

1.- SOLUCIÓN DE PAGO (Serve para Cabozo e outras webs):

A opción máis sinxela e a máis práctica. Só teredes que descargar o navegador iCab Mobile (Web Browser) e usalo como calquera outro. Iso si, pasando antes por caixa e desembolsando 1,59 euros :P Como vedes na captura o botón “elixir arquivo” aparece activo e funcional e deixará seleccionar fotos do “carrete”:

Como subir imaxes ao Taboleiro de Cabozo dende un iOS

2.- SOLUCIÓN GRATUÍTA (Só serve para Cabozo):

Solución específica para Cabozo que, aínda que non é tan cómoda como picar simplemente no botón de subir imaxe, polo menos dános a posibilidade de esquivar este pequeno inconveniente de forma gratuíta.

O primeiro que debemos facer é baixar a seguinte App gratuita da Apple Store, Picup

image_1

Como a App ten acceso ao “carrete” de fotos o que facemos con ela é subir a imaxe a un servizo intermedio de aloxamento de imaxes, neste caso imgur.com

Unha vez subida a imaxe atopámonos co seguinte resultado:

picup

Indícanos que a imaxe foi subida correctamente e dános o enderezo remoto onde se atopa. Este enderezo é o que nos interesa a nós. Copiámolo da App, imos ao taboleiro e pegámolo no recuadro de escribir a mensaxe. Continuamos escribindo a mensaxe normalmente e dámoslle a “enviar“.  Unha vez enviada a mensaxe vemos como a imaxe xa aparece publicada no taboleiro. :)

O truco é que o Taboleiro de Cabozo recoñece ese enderezo remoto do servizo de aloxamento de imaxes e sabe que ten que obter unha imaxe. Conectase co servizo de aloxamento de imaxes e copia a Cabozo tanto a miniatura coma a version “grande” da imaxe subida.

Sistema Operativo iOS de Apple

Aínda que o servizo de aloxamento de imaxes (imgur.com) borra as imaxes se estas non son vistas polo menos unha vez en 6 meses no seu propio dominio, isto a nós non nos importa pois Cabozo xa as ten copiadas no seu servidor. ;)

Polo momento, e ata que ao tito Jobs non lle dea por activar os botóns do Safari Mobile para poder subir imaxes e arquivos directamente dende el, estas opcións e “truquiños” de Cabozo axúdannos a salvar o inconveniente.

Calquera dúbida vémonos por aquí ou en Cabozo! ;)

O servizo de xeolocalización de Cabozo abre un mundo de novas posibilidades aos seus usuari@s

Sábado, abril 30th, 2011

(Lectores no gallegos pinchad aquí. Versión no actualizada)

Arredor, o novo servizo de xeolocalización de Cabozo

Arredor, o servizo de xeolocalización de Cabozo, permite  compartir con outros usuari@s sitios de interese (aloxamentos, praias, festas, eventos, restaurantes…) mediante a súa localización e deixar comentarios nas localizacións que compartan outros usuarios :) Ademais, para unha maior difusión, calquera poderá acceder libremente a estes sitios de interese dende a portada de Cabozo.

Queres deixar constancia do lugar exacto onde sacaches a foto dese sitio tan espectacular? Dar difusión ao teu negocio? Mostrar a túa localización para facilitar o contacto con usuari@s cabozeiros que se atopen na mesma zona ou para ver puntos de interese próximos a ti? Gustaríache poder recomendar a outros usuarios ese bar onde dan esas tapas tan ricas? Ou esa casa rural onde pasaches as túas vacacións ? Ou esa praia da que tanto gustas? Gustaríache crear e compartir puntos de interese da túa localidade cos cabozeiros que visiten a túa vila ou cidade? Pois todo isto e moito máis xa é posible en Cabozo! :D

Vexamos agora con máis detalle as posibilidades que ofrece este servizo tanto para os usuarios rexistrados como para os que aínda non teñen conta en Cabozo…

OPCIÓNS DISPOÑIBLES PARA OS USUARIOS REXISTRADOS

Xeolocaliza as mensaxes que compartes no teu taboleiro

- Xeolocaliza as mensaxes do teu taboleiro para crear, por exemplo, notas e recordatorios, baseados na túa localización: Agora xa podes xeolocalizar calquera mensaxe que compartas no teu taboleiro. Mensaxes que poden ir acompañadas de fotos, vídeos, ligazóns, arquivos… Cando vaias enviar unha mensaxe, poderás marcar a opción “Xeolocalizar(xusto debaixo do sitio reservado para o texto das mensaxes, ver imaxe anterior) que abrirá unha xanela onde aparecerás xeolocalizado (se permites o acceso ao navegador). Unha marca “C“  indicará a túa localización actual. Picando sobre esa marca pódela arrastrar por se queres axustar a túa localización ou por se queres localizar algo estando nese momento nun lugar distinto.

Visita a posteriori todas as túas mensaxes xeolocalizadas

Posteriormente poderás acceder dende o teu taboleiro a todas as túas mensaxes xeolocalizadas dende a icona que podes ver na imaxe anterior. O número que aparece á súa dereita indica o número de mensaxes que localizaches. Se picas sobre as distintas marcas verás o texto das mensaxes e as fotos, ligazóns, etc. adxuntas as mesmas (ver imaxe anterior).

- Xeolocaliza e comparte puntos de interese co resto de usuari@s: Dende a icona “Arredor” que atoparás no teu taboleiro (ver na imaxe inferior) podemos, entre outras cousas, localizar e compartir puntos de interese co resto de usuari@s.

Teremos que permitir ao navegador compartir a nosa localización

Ao picar sobre a devandita icona aparecerá unha mensaxe do navegador para permitir compartir a nosa localización (salvo que previamente a marcaramos por defecto. Ver imaxe anterior). Se aceptamos abrirase unha xanela onde aparecerá a nosa localización.

Temos que crear marcas para poder localizar sitios de interese

Xusto encima veremos tres opcións (ver imaxe anterior), entre elas,  “Nova marca” que é a opción sobre a que picaremos para crear unha nova marca (sitio de interese).

Exemplo de creación de marca e localización dun sitio de interese, neste caso a muralla de Lugo

Cando creamos unha nova “marca” dun “sitio de interese“, para compartir co resto de usuari@s de Cabozo, temos 1.500 caracteres para incluír unha descrición. Ademáis podemos engadir unha ligazón (que para que se publique correctamente deberá ir desta maneira [url]enlace[/url]) e/ou achegar unha imaxe. No mapa temos que situar a marca “C” no lugar adecuado, xogando co zoom e picando sobre ela. Unha vez situada a marca escollemos unha categoría en “Elixe tipo de marca” de entre as existentes: aloxamento, bar, comercio, evento, festa, interese, praia, restaurante… (ver imaxe anterior). Finalmente darémoslle a “Enviar” para publicar e compartir o sitio de interese que xa poderá ser visitado.

Se queres, podes borrar ou editar as marcas ou sitios de interes creados

Podemos editar ou borrar todos os sitos de interese que cremos, na opción “As miñas marcas(ver imaxe anterior)

- Visita as “marcas” ou “sitios de interese” creados por outros usuari@s: Dende o noso taboleiro, entrando na opción “Arredor“, ademais de crear marcas ou sitios de interese como xa comentamos, podemos ver e comentar os sitios de interese que comparten o resto de usuarios de Cabozo.

Visita por categorías os sitios de interese que comparten o resto de usuarios

Para ver esas “Marcas” debemos escoller no desplegable situado encima do mapa da nosa localización unha categoría (ver imaxe anterior). Nese momento veremos as “marcas” que se crearon próximas á nosa localización na devandita categoría. Se nese lugar non aparece ningunha podemos desprazarnos polo mapa para ver as máis próximas.

Pica sobre as marcas "C" para ver os sitios de interese

Xogando co zoom do mapa e desprazándonos por el podemos ver a “marcas” creadas en calquera parte do mundo. Como exemplo podedes situarvos na zona de Viveiro onde xa se crearon algunhas “marcas” a modo de exemplo na categoría “Interese“. Pica sobre as marcasC” para ver os sitios de interese.

- Como deixar comentarios nas “marcas” ou “sitios de interese” creados por outros usuari@s: Accedemos de novo aos “sitios de interese dende a icona “Arredor” do noso taboleiro como xa comentamos. Para comentar unha marca temos que picar sobre esta, e na xanela que se abre coa información, picar sobre o globo que aparece á beira do número de comentarios desa marca. Aparece así a versión estendida da mesma con todos os comentarios e o botón, arriba á dereita, “escribir mensaxe“.

Comenta e aporta información dos sitios de interese que comparten outros usuarios

OPCIÓNS DISPOÑIBLES PARA USUARIOS NON REXISTRADOS

Cabozo permite que calquera persoa teña acceso aos sitios de interese que compartan os usuarios de Cabozo. Agora ben, só os usuarios rexistrados poden deixar comentarios.

As personas sen conta en Cabozo poden acceder a "Arredor" dende a portada de Cabozo

Aquelas persoas que aínda non teñan conta en Cabozo deben acceder a “Arredor” dende a portada de Cabozo (ver imaxe anterior). Unha vez permitido ao seu navegador o acceso á súa localización, poderán empezar a explorar o mapa e a visitar os sitios de interese mesmo por categorías.

Calquera pode visitar os sitios de interese compartidos en Cabozo


Recordade que dende o Tabomobil, versión web de Cabozo para smartphone, tamén podedes facer uso dos servizos de xeolocalización de Cabozo mesmo disfrutar de funcionalidades exclusivas como as “Rutas” ;)

O Tabomobil evoluciona. Estreamos nova versión web de Cabozo para Smartphone

Domingo, abril 17th, 2011

Detectado un aumento significativo do uso de Cabozo dende o móbil, hoxe presentámosvos unha versión moito máis completa e avanzada do Tabomobil, a versión web de Cabozo para móbil.

tabomobil-inicio

Ata hoxe o Tabomobil só nos permitía enviar mensaxes ao noso Taboleiro e… nada máis.

A nova versión ofrécenos novas posibilidades e agora, ademais de poder enviar mensaxes ao noso Taboleiro, tamén podemos velos e respondelos. Podemos ver e responder as respostas que recibamos nos Taboleiros doutros usuarios, ver os Lox e acceder a eles, ver e responder as mensaxes privadas que recibamos e quizais o máis esperado, agora tamén podemos facer uso das Cabozadas.

tabipand

O enlace de acceso á nova versión do Tabomobil é o mesmo que ate agora, así que se xa o tiñas gardado como favorito dende hoxe accederás á nova versión ao entrar.

Se nunca fixeches uso del podes acceder co teu móbil dende este enlace e unha vez dentro gardalo en favoritos para telo sempre a man.

O primeiro que veremos ao acceder é unha sinxela pantalla de acceso onde se nos pide o noso nome de usuario e contrasinal. Outra das novidades é que agora nos gardará os nosos datos para non ter que andar meténdoos cada vez que entremos.

Unha vez dentro veremos a pantalla de opcións: “Meu Taboleiro“, “Nova mensaxe“, “Respostas“, “Lox“, “Cabozadas” e “Privados

tabomobil-opc

1.- Meu Taboleiro: Aquí podemos ver todas as entradas do noso Taboleiro. Se picamos sobre o texto das mensaxes veremos todas as súas respostas, debaixo das cales teremos a opción “Responder”. Na parte superior temos a opción “Volver”.

2.- Nova Mensaxe: Aquí podemos enviar unha mensaxe ao noso Taboleiro ao cal lle podemos achegar unha imaxe ou un vídeo YouTube (ata agora esta era a única opción que ofrecía o antigo Tabomobil)

3.- Respostas: Aquí vemos as respostas que recibimos aos nosos comentarios en calquera Taboleiro. Se picamos sobre o texto das mensaxes verémolo no seu lugar orixinal e poderemos responder. Esta opción márcanos o número de respostas pendentes. Só desaparecerán se picamos sobre elas para velas no seu lugar de orixe.

tabomobil-respostas

4.- Lox: Podemos ver as actualizacións daqueles usuari@s que seguimos, acceder a elas e comentar.

5.- Cabozadas: Funcionan exactamente igual que na versión normal.

6.- Privados: Aquí podemos ver as mensaxes privadas que recibimos e podemos respondelas ou marcalas como lidas. Para respondelas picaremos como sempre sobre o texto das mensaxes.

Por último vemos a opción Logout para desconectarnos.


ACTUALIZACIÓN:

Opcións Tabomobil

Engadida a posibilidade de xeolocalizar as mensaxes que enviemos ao noso Taboleiro e dúas novas opcións:

7.- Seguimentos: Dende aquí podemos acceder directamente ao Taboleiro daqueles usuari@s que sigamos.

Atopa puntos de interese compartidos por outros usuari@s

8.- Arredor: Esta opción de xeolocalización, permite ver as “marcas” ou “puntos de interese” que deixaron os usuari@s próximas a nosa localización ou ben buscar eses “puntos de interese” en calquera parte do mundo. As procuras faranse por categorías (interese, evento, restaurante, praia…).

MÁIS AQUÍ:

Aumentan as opcións de xeolocalización do Tabomobil coa inclusión das “Rutas”


¿Atrapad@s na rede? Cabozo nas II Xornadas da Mocidade Galega

Domingo, abril 17th, 2011

xornadasmng

Este pasado mércores celebrouse en Compostela, na Facultade de Ciencias Políticas, a mesa de debate ¿Atrapad@s na rede? con motivo das II Xornadas da Mocidade Galega na que interviñeron como relatores Pablo Belay (Chuza!), María Yañez (A navalla suíza) e Ánxel Folgueira en representación de Cabozo.

Dende Cabozo agradecemos, por ser cada día menos habitual, que os organizadores do evento contasen connosco sendo este un proxecto totalmente independente e á marxe de calquera posicionamento político.

A mesa “¿Atrapad@s na rede?” que formulaba un tema tan de actualidade como atractivo quizais puido dar máis xogo de terse centrado algo máis no debate sobre a temática formulada e non tanto na exposición de proxectos.

myanezxor

María Yañez, que foi a primeira en intervir, realizou un repaso aos proxectos máis destacados desenvolvidos pola empresa galega A Navalla suíza, entre outros falou de GalegoLab, EufaloTv ou o recentemente desaparecido FlocosTv.

Pablo Belay centrouse en dar a coñecer o proxecto Chuza! aos universitarios asistentes ao relatorio e formulou algunhas das razóns polas que podemos estar atrapados á rede.

Anxel Folgueira, en representación de Cabozo, tras falar das orixes da rede social galega da man de Antonio Mariño, comentou que efectivamente, como se chegou á conclusión no debate previo formulado entre os usuari@s de Cabozo, os mozos galegos e doutras partes do mundo están atrapad@s á rede. Deixou entrever a súa preocupación ao ver que a pesar diso os galegos non acaban de apostar pola rede galega, especialmente polas ferramentas creadas en galego e formulou as seguintes preguntas: “a rede galega en galego ten futuro? Ten sentido? Realmente ten audiencia?

Pablo Belay respondeu cun “Eu a rede galega véxoa nunha situación bastante crítica e crítica porque os grandes medios como Facebook, Twitter ou Tuenti acaparan a maioría da audiencia. Despois… vantaxes que ten o local sobre o global? Moitas!

Belay tamén formulou que moitos dos proxectos galegos, como Chuza ou Cabozo, adoitan ser proxectos desenvolvidos por asociacións ou individualmente e moitas veces sen a capacidade de “publicitarse” como poden ter iniciativas profesionais, polo que dixo que “realmente eu vexo complicado poder competir a nivel galego con eses ‘monstros’

María Yañez comentou que non vía mal que houbese presenza galega en Facebook ou Twitter e que moita xente, aínda que a ela non lle parece nin ben nin mal, tampouco entendía por que hai que localizar todo e por que hai que facer versión galega de todo: “Se Twitter é o sitio e Facebook é o sitio esteamos alí, participemos alí e fagamos ruído alí“.

A pesar diso Yañez criticou que moita xente utilizase Facebook como única rede e que para moita xente internet só sexa Facebook cos perigos que isto pode ter ao ser unha web “pechada” dunha empresa privada.

cabozo_logo

Ante a opinión de María Yañez, Ánxel Folgueira defendeu que Cabozo non é unha adaptación dunha idea de fóra, senón que é outra proposta de rede social, orixinal, coas súas peculiaridades e “en clave galega” e formulou que en Galicia non podemos ir sempre a remolque dos proxectos que nos chegan de fóra dando a entender que se a mentalidade galega fose a de coñecer, valorar e apostar polos proxectos galegos en lugar de mirar só ao que vén de fóra ao mellor algún día ese sitio onde hai que estar, participar e facer ruído é un proxecto con orixe galega.

Os asistentes ás Xornadas puideron validar a súa asistencia por 1 crédito de libre elección.


Cabozo une esforzos con m-tic! para ofrecer un deseño innovador e profesional que mellore a experiencia de uso da rede social galega

Lunes, abril 4th, 2011

159lovb1

Se de algo fomos conscientes en Cabozo dende que empezamos esta aventura é que o deseño da web nunca estivo á altura das funcionalidades que ofrecía. Ter optado polo camiño máis difícil desenvolvendo totalmente dende cero unha web de tal complexidade, unido aos poucos medios dispoñibles, fixo que ata agora practicamente todos os nosos esforzos se centrasen en desenvolver o “motor” da web e facer visible este proxecto. Así que se algunha materia pendente tiñamos cos nosos usuarios era precisamente a de intentar dotar a Cabozo dun deseño que mellorase a súa experiencia de uso.

Hoxe, grazas ao acordo de colaboración alcanzado coa empresa lucense m-tic!, iniciamos a conta atrás para ofrecervos, o antes posible, un deseño innovador, profesional e acorde á gran comunidade cabozeira.

cbym2

Aínda que levabamos algún tempo recibindo propostas de colaboración, bastante insistentes por certo, dende fóra de Galicia (sorprendente!) alégranos especialmente poder colaborar con m-tic! ademáis de por ser unha empresa da terra, porque reúne varias das características coas que nos sentimos identificados en Cabozo sendo unha empresa formada por un equipo de traballo novo e dinámico, comprometido, creativo e ademais, con sobrada experiencia.