Posts Tagged ‘socialmedia’

Galicia Confidencial entrevista os creadores de Cabozo co gallo do 4º aniversario desta rede social

Lunes, marzo 5th, 2012

Antonio Mariño y Ángel Folgueira, autores de Cabozo.com

Antonio Mariño y Ángel Folgueira, autores de Cabozo.com

Galicia Confidencial, xornal online líder en galego, entrevista a Antonio Mariño e Ángel Folgueira, creadores de Cabozo, cos que fai un repaso do pasado, presente e futuro desta rede social “made in Galicia” :D

Pica aquí para ler a entrevista:

- Entrevista orixinal en galego en Galicia Confidencial

- Versión en castellano de la entrevista para nuestros seguidores de fuera de Galicia

Interesantes novidades na sección ‘Novas’ de Cabozo :)

Miércoles, febrero 15th, 2012

(Opción non activada)

Na sección Novas de Cabozo poderás seguir as noticias de portada de varios medios

Debido ao peche de varios medios online galegos nos últimos tempos e á recente aparición de novas cabeceiras como Praza.com, vímonos obrigados a darlle un repaso á lista de xornais que aparecen nas ‘Novas’ de Cabozo.

Agora tamén podes seguir as fotos de Flickr dende Novas

Aproveitamos así, ademais de para ampliar a lista de medios que aparecen nesta sección, para dotar de máis funcionalidades a esta ferramenta de Cabozo podendo seguir tamén agora Twitter e Flickr Galicia :D (ademais de versións non galegas), Google Galicia e Google Destacadas, etc.

Pestana Novas

A sección Novas, que se integra como unha das 5 pestanas do noso taboleiro, recolle automaticamente as noticias de portada de distintos medios online galegos e de fóra de Galicia.

Algúns medios galegos que podemos seguir en Novas son Galicia Confidencial, o medio xeralista en galego máis lido na Rede, Código Cero, Galiciae, Faro de Vigo, Praza… Tamén podemos seguir medios de fóra de Galicia como El País, Público, El Mundo, Menéame, Muy Interesante, Gizmodo

Incorporado a Novas o novo xornal galego Praza.com

Algunhas opcións que ofrece esta ferramenta de Cabozo son:

  • Picando sobre os titulares das noticias podemos ler o seu contido na fonte orixinal
  • Se picamos sobre o Máis que aparece á dereita dos titulares temos as seguintes opcións:

Agora en Novas tamén podemos ver o que se comenta sobre esas noticias en Twitter

- NOVIDADE!!! Ver o que se comenta sobre esa noticia en Twitter picando sobre a nova icona Twitter (ver imaxe superior)

- Ver a mesma noticia noutros medios para ter unha visión máis ampla desta

- Enviar a noticia directamente ao noso taboleiro recibindo todos os nosos seguidores un aviso de actualización

- Compartir a noticia directamente noutras plataformas como Twitter, Facebook

(Contacta con Cabozo se queres incluír un novo medio a esta sección)


20 contas a seguir en Cabozo.com

Martes, febrero 14th, 2012

(opción non activada)

Non están todos os que son nin son todos os que están :D pero poden servir de guía para quen acabe de aterrar en Cabozo. Logo, como todo, para gustos hai cores :P

Algúns taboleiros de Cabozo

Esta recompilación pretende ser unha pequena mostra dalgúns dos contidos que día a día se comparten nos taboleiros de Cabozo. As contas seleccionadas non se corresponden necesariamente cos usuarios máis activos da rede (que podedes coñecer no Ranking de Cabozo) xa que moitos usuarios prefiren participar máis activamente noutras seccións de Cabozo como as Cabozadas ou Grupos. Picando sobre os nomes dos usuarios podes acceder á versión pública dos seus taboleiros (Para ver a versión completa tes que ter conta en Cabozo)

Empezamos coas contas dos dous desenvolvedores de Cabozo. Recomendamos seguilos porque naide mellor que eles para botarvos unha man chegado o caso:

Taboleiro público de LegnaLof

- LegnaLof: Ademais de información sobre Cabozo, adoita compartir bastante información sobre actualidade, redes sociais, recursos humanos, tecnoloxía, social media…

Taboleiro público de Deckarz

- Deckarz: (Actualmente ten a súa conta restrinxida exclusivamente a usuarios rexistrados en Cabozo). Aínda que ultimamente non adoita ter moito tempo para compartir contidos en Cabozo debido á súa recente paternidade, de cando en vez déixanos, ademais de información sobre Cabozo, algunha pincelada sobre a súa estancia en Alemaña onde reside desde hai uns anos…

Esta é outra conta interesante do equipo de Cabozo que tamén deberiades seguir:

Taboleiro público de AchegasCabozo

- AchegasCabozo: Toda a información oficial sobre Cabozo publicase neste taboleiro. Ademais, case a diario, recolle unha mostra dalgúns dos contidos máis interesantes que se van publicando en Cabozo polo que tamén nos servirá para coñecer novos usuarios. Seguimos con máis taboleiros interesantes:

Taboleiro público de Galicia Confidencial

- Gconfidencial (Galicia Confidencial): Toda a actualidade de Galicia no xornal en galego líder en Internet. Como Cabozo é un proxecto totalmente independente e foi o primeiro medio galego en apostar por esta rede social :)

Taboleiro público de aMonAazul

- aMonaAzul: Probablemente o taboleiro máis canalla :D e un dos máis divertidos de Cabozo. Para moitos o taboleiro máis quente, sen chegar a queimar, da rede galega :P

Taboleiro público de Davidfdva

- davidfdva: O taboleiro deste “Historiador con vocación prehistoriadora” afincado en Tarragona :) é un dos máis interesantes de Cabozo podendo atopar nel contidos curiosos e de actualidade moi ligados á cultura e realidade galega.

Taboleiro público de Breoganh

- Breogahn: Como deixa entrever a súa Bio “De cativo, un día que non paraba de chorrar, meu avó mollóume o chupete na queimada. Uns anos máis tarde ocorréume o mesmo ca Obélix pero na pota de face-la caña” :D esta conta é un claro expoñente da retranca galega :) Podedes atopar contidos moi variados, dende información sobre Android ata curiosidades da zona do Barbanza. Por certo, ¡un consello! Se non tedes nada para comer a man e tedes moita fame… non se vos ocorra entrar a ver os seus álbums de fotos ou pasaredes moooita fame (envexa)! :D

Taboleiro público de Carloscaneda

- carloscaneda: Un dos usuarios con máis antigüidade de Cabozo e que dende Vilalonga, parroquia de Sanxenxo, nos trae música de todo tipo. Aínda que ultimamente non se pasa moito porque anda un pouco liado (nunca mellor dito e… ata aquí podo contar) :D é deses usuarios que convén seguir.

Taboleiro público de Ramondavella

- ramondavella: Conta que dende Fisterra nos trae, practicamente a diario, reflexións enxeñosas sobre a vida.

Taboleiro público de Trisquel

- trisquel: No taboleiro deste “Ciclista frustrado con alguns coñecementos de informática” podes atopar bastante información relacionada con internet e o software libre ademais de curiosidades variadas. Taboleiro público de Casauma

- casauma: Na conta de “Casa Uma, fermosa casa de turismo no rural das Rías Baixas, poderás atopar moita información sobre natureza e ecoloxía galega, entre outras cousas.

Taboleiro público de Begomtez

- begomtez: Practica inglés sen saír de Cabozo :)

Taboleiro público de Gamela

- Gamela: Seguindo a este profesor de Vigo seguiremos un dos taboleiros máis críticos e reivindicativos de Cabozo.

Taboleiro público de Abel

- abel: Se vos gusta viaxar ou coñecer novos lugares sen movervos da casa non deixedes de seguir o taboleiro deste profesor de Compostela “apaixonado da natureza, o mundo do motor, as viaxes, a metereoloxía e os bares” :D Aínda que non adoita pasar con asiduidade, cando o fai comparte espectaculares xoias en forma de reportaxes das súas viaxes por todo o mundo.

Taboleiro público de GalegoLab

- GalegoLab: Neste taboleiro podes seguir as iniciativas promovidas por GalegoLab, dar ideas, botar unha man e colaborar en accións a prol do galego :)

Taboleiro público de Alugris

- alugris: Interesante taboleiro dende Vigo con contidos variados.

Taboleiro público de Diadenos

- diadenos: A pesar de ser dos últimos usuarios en chegar, fano con forza dende Ourense :) Entre as primeiras achegas compartidas neste taboleiro atopamos contidos que recuperan parte da memoria audiovisual da cultura galega.

Taboleiro público de Galiloxia

- Galiloxia: A tecnoloxía en galego. Taboleiro onde podes atopar todo tipo de curiosidades sobre a ciencia, a tecnoloxía, e todo canto aparello imaxines :D

Taboleiro público de AnaGazza

- AnaGazza: Dende Pontevedra chéganos este taboleiro que poderiamos definir como unha recompilación de curiosidades da Rede :)

Taboleiro público de Monteuve

- monteuve: Interesante taboleiro no que, entre outras cousas, podemos ver fragmentos audiovisuais de grandes clásicos do cine internacional. Obrigatorio para os amantes do bo cine.

Para aqueles que esteades interesados en seguir a política galega recomendámosvos ler o seguinte post onde podedes ver as distintas opcións que tedes en Cabozo:

- A representación da política galega en Cabozo



Cabozo.com remata o 2011 entre as webs galegas máis populares

Viernes, diciembre 30th, 2011

(Lectores no gallegos pinchad aquí)

Cabozo.com entre as webs galegas máis populares

:D Quen nos ía dicir alá polo 2008 que Cabozo.com, aquela pequena web que estabamos a crear coa única pretensión de manter o contacto dun reducido grupo de colegas, acabaría aparecendo algún día na mesma lista na que aparecen webs de empresas ou institucións tan populares como Zara, o Deportivo da Coruña, Mundo R, Estrella Galicia, a Universidade de Santiago de Compostela, a Xunta de Galicia, Rojadirecta, Novagalicia Banco, o Sergas, Blusens, Adolfo Dominguez… entre outras ;)

Ranking de Código Cero segundo Alexa

Por primeira vez tras 3 anos na rede galega, Cabozo entra no TOP100 de webs máis populares, ocupando o posto 98, como podedes observar no ranking elaborado por Código Cero.

Debemos valorar moi positivamente este feito máis sendo esta unha web creada totalmente dende cero baixo código propio, sendo por tanto unha web orixinal e cunha filosofía de uso propia, e desenvolvida por só dúas persoas no seu tempo libre coa dificultade engadida, a efectos de difusión, de ser unha web redactada exclusivamente en galego e totalmente independente.

Entre as webs en galego non institucionais, Cabozo ocupa o posto número 12 en popularidade sendo neste caso os tres primeiros postos para Mundo-r.com, Blogaliza e Código Cero.

novologo2012

Esta claro que isto non se lograría sen o apoio dos miles de seguidores, moitos xa coleg@s, que nun ou outro momento apostastes por Cabozo. Por iso dende aquí agradecémosvolo e aproveitamos, de paso, para desexarvos unhas felices festas e un próspero 2012!!! :D ;)

Publicidade en Cabozo como parte do acordo de colaboración para o novo deseño da web

Lunes, noviembre 7th, 2011

(Lectores no gallegos pinchad aquí)

Publicidade en Cabozo como parte do acordo de colaboración para o novo deseño da web

Como parte do acordo de colaboración alcanzado coa empresa lucense mtic! para o desenvolvemento do novo deseño de Cabozo a partir de agora veredes publicidade en galego e español, en forma de banner, de dúas das empresas do devandito grupo (mtic! e Dioptra)

Publicidade en Cabozo como parte do acordo de colaboración para o novo deseño da web

Esta publicidade será visible baixo as opcións da caixa ou columna da dereita. Cremos que é o mellor lugar para que a devandita publicidade non resulte invasora nin molesta para os usuari@s de Cabozo.

Saúdos! ;)

Cabozo, outra forma de entender as redes sociais

Miércoles, noviembre 2nd, 2011

(Lectores no gallegos pinchad aquí)

Deixemos clara unha cousa antes de empezar, a túa experiencia en redes sociais limítase só a redes tipo Facebook ou Tuenti? :P Pois cambia o chip agora mesmo! :)

Taboleiro (muro) dun usuari@ de Cabozo

A Cabozo non imos, en principio, a buscar os nosos marabillosos colegas ou esa/e veciñ@ do terceiro que está tan boa/bo e que se nos dá acceso á súa conta é ou porque non sabe como dicirnos que non, ou porque é tan ‘cotilla’ coma nós :D ou por que vai medio ‘piripi:P que si joer, que está moi boa/bo pero que agora non estamos a iso, a ver ho! :D Para ‘cotillear’ e ver o marabillosas e fantásticas que son as vidas dos nosos achegados, e deixar que ‘xoguen’ e se lucren coa nosa información persoal, xa temos os super mega chachi Facebook e compañía, non? :D ¬¬ Por certo, que perfectas parecen algunhas vidas nesas redes sociais verdade? :P Ben, imos ao noso ;)

Cabozeir@s, o nome que reciben os usuari@s de Cabozo

E diredes… e entón para que carallo serve Cabozo? Pódese facer algo máis que ‘cotillear’ aos nosos achegados nunha rede social? Pois si :D como ben saben e vos poden contar por exemplo os usuari@s de Twitter, ademais dos de Cabozo, claro! :) Se es usuario de Twitter asimilarás antes algúns conceptos de Cabozo por compartir estes certas similitudes cos de dito medio ollo, xa sabedes que o concepto é o concepto e iso é importante :D ¬¬ Iso si, agora que es libre de verdade :P intenta non pasar todo o día metido nas Cabozadas (a nosa “homenaxe” interna aos 140 carácteres :) ) e aínda que che custe un pouco librarte dese ‘límite dos 140 quen volo dera nas autoestradas, eh pillabáns? :D aproveita para descubrir un mundo novo con moitas máis posibilidades e no que as limitacións as marcas ti :D ;)

Cabozo facilíta máis opcións en cada post

A Cabozo vimos socializar con xente nova, a coñecer xente á que imos seguir porque nos resultan interesantes os contidos que compartan, por ter os mesmos intereses ca eles, as mesmas inquietudes, afeccións, etc.

En Cabozo interesa máis o que se di que quen o di. Por iso, e porque pasamos de lucrarnos cos vosos datos persoais, aquí non necesitamos que facilitedes ningún dato persoal para facer uso desta rede social ;) A nós non nos fan falta para nada e vós, chegado o caso, xa saberedes facilitar a vosa identidade a quen queirades como mellor vos pareza… non? :)

A todo isto… :D dende este momento xa podedes ir abandonando a desculpiña típica esa de que non vos unides a Cabozo porque aquí non coñecedes a ninguén… xa non é crible, eh? :D :P

Pois ben, se chegado ata aquí aínda che interesa saber como empezar a coñecer xente en Cabozo e como lograr que os contidos que compartes cheguen ao máximo número de usuarios posible, bótalle unha ollada aos enlaces que tes ao final desta entrada :)

"Arredor", novo servizo de xeolocalización de Cabozo

Se non, podes ir por onde viñeches, pecha a porta a modiño que vai viruxe, e… sorte por eses mundos tan abandonados da man do respecto á vosa privacidade! :D ¬¬

Bo vale! non me mires así! espera! :D Antes de que te vaias… se a ti o que che mola é relacionarte só cos teus achegados de forma privada aínda hai unha esperanza para ti! :P iso si, véxoo chungo, chungo porque… serás capaz de arrancar aos teus colegas ou noiv@ do Tuenti ou do Facebook? Dubídoo moito, non te vexo eu a ti… Ummm, non sei :D :P Ben, de todos os xeitos, se o lograses tamén poderás facer un “uso Facebook/Tuentide Cabozo a través dos múltiples grupos privados que podes crear para falar e compartir dun xeito sinxelo as túas fotos, vídeos, arquivos, etc. cos grupos de persoas que ti queiras… Vamos, que ademais poderás gozar da “super novidade” dos círculos Google pero sen círculos e á galega, como o polbo! :P :D E xa dispoñible por aquí dende o 2008. Pero… isto non o inventaran os de Google+? :D Ou só o redondearon? :P :D ¬¬

1.- Como deixar de ser a muller ou o home invisible en Cabozo :D e empezar a seguir outros usuari@s

2.- Como facer para que os contidos que compartimos en Cabozo cheguen ao máximo número de usuari@s

Como facer para que os contidos que compartimos en Cabozo cheguen ao máximo número de usuari@s

Viernes, octubre 28th, 2011

(Lectores no gallegos pinchad aquí)

O primeiro que debemos ter claro é que aínda que en Cabozo existen distintos espazos onde publicar contidos, debe ser o noso Muro ou Taboleiro o espazo principal para publicar e compartir contidos co resto de usuarios, reservando outros espazos como as Cabozadas ou os Grupos para darnos a coñecer e intentar captar a atención doutros usuarios para que nos sigan.

Quen pode ver o meu Taboleiro? Que sucede cando creo contido no meu Taboleiro?

Pestana Lox: avisos automáticos das actualizacións dos usuarios que segues

Aínda que en principio calquera usuario rexistrado en Cabozo pode chegar ata o noso Taboleiro e ver os contidos que publicamos, só aqueles usuarios que nos seguen reciben avisos automáticos das nosas actualizacións cando creamos contidos no noso muro (nas súas pestana “Lox“), de aí a importancia de ter o maior número posible de seguidores . A maior número de seguidores maiores posibilidades de difusión terán as nosas publicacións. A nosa verdadeira audiencia en Cabozo son os nosos seguidores.

Quen pode publicar no meu Taboleiro?

En Cabozo calquera usuario pode publicar no noso Taboleiro. Iso si, ti terás a última palabra, xa que en calquera momento podes eliminar aquilo que non queiras que apareza no teu Taboleiro. Aínda así, antes de eliminar contidos alleos do teu Taboleiro valora ben a devandita opción xa que pode non sentar ben a quen o publicou. Outra cousa que debemos ter en conta é que en Cabozo non podemos bloquear ningún usuario, aínda que si eliminalo da nosa lista de seguidores e con iso evitar que reciba os avisos automáticos das nosas actualizacións.

Tendo todo isto claro, que podemos facer entón para lograr máis visitas ao noso Taboleiro e polo tanto que as nosas publicacións teñan maior difusión? Ben, eu aconsellaríavos seguir as seguintes recomendacións:

1.- Crea contido de calidade. En función da audiencia que queiras captar ninguén mellor ca ti saberá cales son os temas que poden xerar maior interese. Dentro deses temas, canto máis novidosas, actuais ou interesantes sexan as túas publicacións máis interese suscitarán.

O noso Taboleiro (muro) é o espazo principal para publicar e compartir contidos en Cabozo

2.- Procura que os contidos que publiques sexan o máis vistosos posibles. En Cabozo podes achegar ao mesmo tempo unha imaxe (jpeg) e un vídeo de Youtube (que se publicará para visualizar directamente) aos textos e enlaces que vaias publicar. Temos máis que comprobado que teñen moitas máis visitas as publicacións que achegan algún elemento visual (foto/vídeo) que as que non.

3.- Faite visible na web. De nada valerá que teñas os contidos máis vistosos e de maior calidade se ninguén sabe que existen. Aquí podes ler 8 pasos a seguir para deixar de ser invisible en Cabozo.

4.- Aproveita as posibilidades de difusión que che ofrecen os Grupos/foros de Cabozo. Existen xa máis de 120 grupos públicos de diversas temáticas. Participa naqueles cuxa temática se axuste mellor coa audiencia que queres conseguir. Publica tamén alí contidos, comenta os xa existentes e de cando en vez, aínda que non debes abusar desa posibilidade, publica “mensaxes gancho” para atraer usuarios ao teu Taboleiro do tipo “primeiras imaxes da próxima película de Steven Spielberg. Vídeo no meu Taboleiro“, por poñer un exemplo.

"CabozoViaxes", un dos 120 grupos públicos de Cabozo

5.- Espreme todo o potencial das Cabozadas, un dos sinais de identidade desta rede social e que che brinda unha posibilidade que non encontrarás nin en Twitter, nin en Facebook, Tuenti, Google+, etc. Nas Cabozadas podes chegar a dialogar ao mesmo tempo, mediante mensaxes curtas de non máis de 140 carácteres (é o único espazo de Cabozo onde as mensaxes teñen limitación de carácteres), con calquera usuario rexistrado en Cabozo sígalo ou non, sígate ou non. Ademais calquera outro usuario poderá ler todo o que aquí enlaces ou publiques. Podemos dicir que as Cabozadas son un grande escaparate dentro de Cabozo e o nexo de unión de todos os usuarios rexistrados na web. Unha parte importante do éxito que teñas na captación de novos seguidores dependerá do uso máis ou menos intelixente que fagas desta ferramenta de Cabozo.

Pasa habitualmente polas Cabozadas, conversa cos usuarios que te encontres nese momento, se non os coñeces pica sobre as súas imaxes de usuario e aproveita para botar unha ollada aos contidos dos seus Taboleiros e para ver os seus perfís de usuario, sígueos se te resultan interesantes, comenta as súas entradas e se hai algunha que che resulte de interese para o teu Taboleiro, cópiaa, pero todo iso sen perder o fío da conversación que iniciases nas Cabozadas.

Se te perdes marca a opción “quedin” para ver se alguén te mencionou. Aproveita tamén o teu paso polas Cabozadas para deixar, de cando en vez, “mensaxes gancho” que atraian novos usuarios ao teu Taboleiro, aproveita para iso por exemplo os momentos de menos actividade xa que cando hai moita xente falando ao mesmo tempo adoitan “perderse” rápido as mensaxes.

"Arredor", novo servizo de xeolocalización

Todas estas recomendacións poden ser apoiadas polo uso axeitado doutras ferramentas de Cabozo como as Canles de TV, cos cales podes emitir en directo ou en diferido para o resto de usuarios, Arredor“, o novo servizo de xeolocalización que podes utilizar para xerar contidos e difundir un determinado local ou lugar, etc.

Como deixar de ser a muller ou o home invisible en Cabozo :) e empezar a relacionarte e a seguir outros usuari@s

Jueves, octubre 27th, 2011

(Lectores no gallegos pinchad aquí)

Rexistrado nesta espectacular rede social, si xa sei que son un ‘fanboy’ pero que queres? :D verás como despois de facilitar só unha conta de correo, xa podes empezar a explorar e a usar todos os servizos que ofrece Cabozo sen ter que ‘pasar por caixa’.

En Cabozo non 'pagas' os servizos que se che ofrecen cos teus datos persoaisCando falo de ‘pasar por caixa’ refírome a que aquí, ao contrario do que sucede noutras redes sociais, non precisas ‘pagar’ con información os servizos que che imos ofrecer e polo tanto non necesitas encher cos teus datos persoais ningún formulario con campos obrigatorios para poder empezar a usar esta rede social…

Configuración

Aínda así, unha vez investigues ata o último canto da web, pero que buscarás alma de deus? :) non sexas merluz@ :D e antes de empezar a interactuar co resto de usuarios pasa pola opción “Configuración” para polo menos cambiar o logo por defecto de Cabozo pola túa imaxe de usuari@.

Se non vas usar nada Cabozo dáte de baixa. Non deixes a conta abandonada

Se pola contra, despois desa primeira ollada, non tes pensado seguir usando esta rede social, ti o perdes pequeno saltamontes ou… saltaredes, non? :D non deixes abandonada a túa conta. Vai ás opcións de “configuración” e dáte de baixa. Cabozo segue sendo o mesmo cun rexistro máis ou cun menos e ti non seguirás danando a túa reputación online deixando abandonada unha conta máis… Iso si, se ousas deixar tirada a túa conta nalgunha das rúas cabozeiras :P atente ás consecuencias forasteiro, e xa te preavisamos, temos un dos mellores servizos grúa do momento e probablemente a mellor xestión de poxas do mundo. Avisado quedas…

Quedas avisado! :P :DDito isto, pasemos a ver como podemos facer para que o resto de usuarios de Cabozo saiban que “xa estás aquí” :) Antes de nada, fai o seguinte:

PRIMEIRO:

Perfil dun cabozeiro

Recorda pasar por “configuración e cambiar a imaxe de usuario. Se ademais engades algún dato máis ao teu perfil como unha pequena descrición (bio), o teu lugar de residencia ou algún dos teus gustos musicais por poñer un exemplo, a túa conta resultará máis atractiva para o resto de usuarios. Aquí tes todo o que podes configurar e recorda, non é obrigatorio cubrir ningún campo e ti decidirás en todo momento que é o que queres compartir e o que non. Agora ben, se es de Burela e queres que a xente che encontre polo teu lugar de residencia pero non o indicas… Cabozo non fai milagres, eh! :P

SEGUNDO:

Contido audiovisual nun taboleiro

Sobe algún contido ao teu muro (pestana “meu taboleiro“). Se queremos darnos a coñecer e captar a atención doutros usuarios será mellor ofrecerlles algo antes de que entren ao noso Taboleiro e o vexan tristeiro :( e baleiro, non? :) Ademais, se resulta interesante pode que outros usuari@s con máis seguidores cópieno ao seu Taboleiro e axude a darte a coñecer na rede. O que? Iso xa é cousa túa amigo… Recorremos outra vez á música? :) Quizais compartir un vídeo de YouTube con algunha das nosas cancións favoritas sexa unha forma amena de empezar… Agora ben, se xa tes moi claro que en Cabozo queres relacionarte principalmente con expertos en física cuántica quizais sexa mellor que subas un vídeo, foto ou noticia sobre os tan de actualidade neutrinos :D por poñer un exemplo… Captas a mensaxe? :D

Ben, feito isto xa podemos dicir que estás asead@ e presentable :D para empezar a interactuar co resto de usuarios cabozeir@s. Por fin! :D ¬¬

Segue agora estes 8 pasos e nunca máis te sentirás invisible en Cabozo. Imos alá! :)

Usuarios dando a benvida a outro en Cabozo

1.- Mira se alguén che deixou algunha mensaxe de benvida no teu muro (xa sabes, pestana “meu Taboleiro“) e se é así, respóndelle. Pica directamente sobre o texto das súas mensaxes e a túa resposta aparecerá publicada no mesmo fío. Xa postos, podemos picar sobre os seus nomes ou imaxes de usuarios para acceder aos seus Taboleiros (muros) e ver os seus contidos. Quizais poidamos deixar algún comentario e sobre todo non se che esqueza seguir o usuario se che resultou interesante. Para iso só tes que picar sobre a opción “seguir usuario

Aquí verás os usuarios que te seguen

2.- Comproba se algún usuario xa te segue a ti. Veralo ou ben na pestanaLox(onde irás recibindo distintos avisos automáticos) ou nas opcións da columna da dereita onde verásSeguido por (x)” Se entre paréntese aparece algún número ese será o número de seguidores que tes. Se tes algún seguidor pica sobre o devandito indicador e verás como se despregan os seus nicks ou nomes de usuario. Recomendo que tamén os sigas ti. Xa sabes, picas sobre os seus nomes e xa dentro dos seus Taboleiros en “seguir usuario

Botón para seguir outros usuari@s

Nesta fase de facernos visibles e darnos a coñecer, ti non te cortes á hora de seguir aqueles usuari@s cos que te vaias cruzando polo camiño. Co tempo, e a medida que vaias coñecendo máis xente, xa chegará o momento de filtrar e seguir só a aqueles que realmente che interesen. Agora o que nos interesa é que saiban que xa estamos aquí e ver “vida” na web ;)

3.- Segue as contas de Deckarz e LegnaLof, os dous ‘capos‘ de Cabozo :P Aínda que adoitan andar todo o día por aí de sarao en sarao con Mark Zuckerberg e compañía juju :D (mira que rachan do Facebook pero ao final…) é o que ten compartir ser mozos e ricos :D ¬¬ xa sabedes, deus críaos e eles… O caso é que ninguén mellor ca eles coñece Cabozo e nalgún momento entre festa e festa :D pode que vos boten unha man e axúdenvos a sacarvos dalgún aperto cabozeiro. Se por agora non te cruzaches con eles podes buscalos no buscador de Cabozo que atoparás na opción “usuari@s de cabozo/búsquedas“. Escribe os seus nomes de usuario (individualmente) e dalle a “enviar“. Accederás aos seus Taboleiros e dende aí pódelos seguir. Tamén recomendo seguir outras contas de Cabozo como AchegasCabozo ou Xeolocaboza.

Ranking de usuari@s máis activos en Cabozo

4.- Segue os usuari@s máis activos de Cabozo. É recomendable, sobre todo ao principio, seguir os usuarios máis activos da web. A forma máis doada de facelo é, de novo, dende a opción “Usuari@s de Cabozo/Búsquedas” onde ao acceder veremos un Ranking de usuarios por Karma (indicador do nivel de actividade dun usuario en Cabozo). Picando sobre os seus nomes accedemos aos seus Taboleiros e dende aí poderémolos seguir como sempre en “seguir usuario“.

Buscador de usuarios por nick, nome real ou localidade

5.- Segue os usuari@s da túa vila, cidade, provincia… ou dunha determinada localidade. Outra vez enUsuari@s de Cabozo/Buscas“, no buscador que comentei antes, marcando agora previamente a opción “cidade“, escribe o nome da localidade a buscar, por exemplo Viveiro e dalle aenviar“. Aparecerán todos os usuarios que facilitaron ese dato na configuración da súa conta. Picando sobre as súas imaxes de usuario accedes tamén aos seus Taboleiros. Unha vez aí, xa sabes como seguilos.

Xa hai máis de 120 grupos/foros públicos de diferentes temáticas en Cabozo

6.- Non deixes de pasar por algúns dos xa máis de 120 grupos públicos existentes en Cabozo. Participa nestes grupos achegando contidos, comentando, etc. Hai grupos de diferentes temáticas: noticias, deportes, fotografía, coches, música, vídeos, sexo (hai máis grupos, eh! A ver se agora vas pasar aquí todo o tempo :D ) cine, saúde, comida, curiosidades, mascotas, ecoloxía, viaxes, motos, tecnoloxía, redes sociais, praias, vídeos, etc. Únete aos que che parezan máis interesantes e poderás coñecer xente cos mesmos intereses ca ti.

"Arredor", o novo servizo de xeolocalización de Cabozo

7.- Sácalle partido a “Arredor“, o novo servizo de xeolocalización que estreamos no renovado Cabozo. Como? :) Moi doado! Busca ou, se non a hai, crea a marca dese local, esa praia, restaurante, negocio, etc. que tanto che gusta e coñece xente coas mesmas preferencias ca ti de entre os que vaian comentando esas marcas (localizacións de puntos de interese creados polos propios usuarios)

Cabozadas

8.- Pasa sempre que poidas polasCabozadas. Deixei as Cabozadas para o final por ser un dos sinais de identidade de Cabozo e pola súa importancia no funcionamento global desta rede social.

As Cabozadas é algo que non teñen nin Twitter, nin Tuenti, nin Facebook, nin Google+Podemos dicir que é o grande escaparate de Cabozo ou ese gran patio de veciños que toda comunidade ten. O nexo de unión de todos os usuarios cabozeiros. O que non pasase polo menos unha vez polas Cabozadas non é ninguén en Cabozo :)

A principal característica desta ferramenta é que aquí poderás coincidir e dialogar, mediante mensaxes curtas de non máis de 140 carácteres, con calquera usuario rexistrado en Cabozo, sígalo ou non, sígate ou non. E ademais todo o que aquí escribas ou enlaces pode ser visto por calquera outro usuario rexistrado en Cabozo.

Se analizas ben o que acabo de comentar verás o enorme partido que se lle pode sacar a esta opción de Cabozo facendo un uso intelixente da devandita ferramenta.

Aínda non tes convite para entrar en Cabozo? Pide o teu! Temos para tod@s! ;)

Martes, octubre 18th, 2011

(Lectores no gallegos pinchad aquí)

Como algúns xa sabedes, dende hai tempo, só se pode acceder a Cabozo mediante convite, por iso todos os usuari@s rexistrados dispoñen de 5 convites convites ilimitados para invitar a quen queiran.

Se non coñeces ningún usuario de Cabozo… non te preocupes! Nós temos un convite para ti! :D Pídeo da forma que che resulte máis cómoda:

Conta de Cabozo no Facebook

1.- Tes Facebook? Pois visita a páxina de Cabozo no Facebook, fai clic en “Me gusta” e envía a túa conta de correo a través de “Mensaxe privada(ver imaxe superior)

Conta de Cabozo no Twitter

2.- Tes conta no Twitter? Péganos un toque por alí en @cabozo_com e seguirémoste para que nos poidas enviar unha mensaxe directa (DM) coa túa conta de correo.

Conta de correo

3.- Se non tes Facebook nin Twitter, envía a conta de correo coa que te queres rexistrar a seguinte dirección: achegas@cabozo.com

OLLO!!! Mira na bandexa de ‘spam’ do teu correo se non atopas o convite.

Dispoñible a nova versión de Cabozo dende primeira hora da mañá! :)

Sábado, octubre 15th, 2011

(Lectores no gallegos pinchad aquí)

A nova versión de Cabozo dispoñible dende primeira hora da mañá

Dende primeira hora da mañá de hoxe, sábado 15 de outubro de 2011, tedes á vosa disposición a nova versión de Cabozo.

m-tic! deseño e comunicaciónEsta nova versión chega grazas ao acordo de colaboración alcanzado hai uns meses coa empresa lucense de deseño m-tic! á que dende aquí queremos agradecer a súa colaboración sen ningún tipo de contraprestación económica de por medio, algo moi difícil de lograr nos tempos que corren. Graciñas rapazas! ;)

Recomendamos que fagades un F5 en cada ‘rinconciño’ de Cabozo ao que entredes para que o navegador vaia refrescando e poidades ver perfectamente a nova versión da web

Saúdos! ;)