Cabozo blog

(versión en castellano)

A partir de agora, cando entremos no Tabomóbil, veremos unha nova icona (ver imaxe) para acceder a un menú lateral con novas opcións

Xa podemos acceder á configuración da nosa conta ou enviar convites (ilimitados) dende a versión móbil de Cabozo

ACTUALIZACIÓN 

Engadida a opción “Favoritos” ao novo menú lateral. Agora tamén podemos gardar contidos dos taboleiros (por exemplo, para ler máis tarde) a través da versión móbil de Cabozo

(Lectores no gallegos pinchad aquí)

“Es galego e estás fóra da túa terra e non entendes nin papa? Vas facer o Camiño de Santiago e non sabes preguntar como se vai a un lugar? Leva TradutorGalego no teu peto e non perdas unha!”

Con esta presentación na súa web os desenvolvedores de TradutorGalego móstrannos as posibilidades desta nova aplicación para Android.

Esta ferramenta permite traducir palabras e textos de ou ao galego. Traduce automaticamente do galego ao español, catalán, inglés ou francés, e viceversa.

Como curiosidade comentar que ofrece a posibilidade de ditado (voz) o cal pode ser moi útil para por exemplo traducir directamente o que nos din sen ter que escribilo. Con TradutorGalego poderás traducir textos de ata 2.500 carácteres.

Os creadores desta aplicación gratuíta son Sabela Barreiro, Xurxo Méndez e Juan Porta, dos cales tedes máis información na súa propia web e cos cales podedes poñervos en contacto picando sobre os seus nomes vía Twitter (non nos consta que teñan conta activa en Cabozo.com)

Tamén son os creadores doutras aplicacións como ConxuGalego e DicionarioGalego.